കോട്ടയം: നഗരത്തില് സാമൂഹിക വിരുദ്ധരുടെ വെട്ടേറ്റ് തലയോട്ടി പിളര്ന്ന് ദയനീയ സ്ഥിതിയിലായ ‘സ്കൂപ്’ എന്ന് വിളിപ്പേരുള്ള നായ് സുമനസ്സുകളുടെ സഹായത്തോടെ വീണ്ടും ജീവിതത്തിലേക്ക്. ചൊവ്വാഴ്ച വൈകീട്ട് ഇടിമിന്നലുണ്ടായപ്പോള് വീട്ടുവളപ്പില് നിന്നും പേടിച്ചോടിയതായിരുന്നു നായ്. മാധ്യമ ഫോട്ടോഗ്രാഫര് സി.എം.എസ് കോളജ് റോഡില് സെമിനാരിക്കടുത്ത് വെച്ച് കണ്ട നായയുടെ ദയനീയാവസ്ഥ ചിത്രം സഹിതം ഫേസ്ബുക്കില് പങ്കുവെച്ചത്.
വിഷയം അറിഞ്ഞെത്തിയ വെസ്റ്റ് സി.ഐ എം.ജെ. അരുണ് മാധ്യമ പ്രവര്ത്തകരായ ആന്റോ , സഞ്ജു അനിമല് ലീഗല് ഫോഴ്സ് ഇന്റഗ്രേഷന് സംഘടന പ്രവര്ത്തകരായ സുരേഷ്, സൂരജ് എന്നിവരുടെ സഹായത്തോടെ സ്കൂപ്പിനെ കോടിമത വെറ്ററിനറി കേന്ദ്രത്തിലെത്തിച്ച് ചികിത്സ നല്കുകയായിരുന്നു.
ദിലീപിന്റെ ഫേസ്ബുക്ക് പോസ്റ്റ് കണ്ട നായയുടെ ഉടമ അഞ്ചേരിയില് സെറീന ആശുപത്രിയിലെത്തി.
വെട്ടേറ്റ നായയുടെ വലതുകണ്ണിന്റെ കൃഷ്ണമണി സ്ഥാനം തെറ്റിയത് ഡോ. കൃഷ്ണ കിഷോര് ശസ്ത്രക്രിയയിലൂടെ പൂര്വസ്ഥിതിയിലാക്കി. നായയെ കാണാതായ വിവരം നേരത്തെ സെറീന ഫേസ്ബുക്കില് പങ്കുവെച്ചിരുന്നു.
The post സാമൂഹിക വിരുദ്ധരുടെ വെട്ടേറ്റ് തലയോട്ടി പിളര്ന്ന ‘സ്കൂപ്’ വീണ്ടും ജീവിതത്തിലേക്ക് appeared first on Pathanamthitta Media.
