കോട്ടയം: തദ്ദേശതെരഞ്ഞെടുപ്പില് കോട്ടയം ജില്ലാ പഞ്ചായത്തിലേക്കുള്ള എല്ഡിഎഫ് സീറ്റ് വിഭജനം പൂര്ത്തിയായി. ആകെയുള്ള 22 സീറ്റുകളില് സിപിഎമ്മും കേരള കോണ്ഗ്രസും ഒന്പത് വീതം സീറ്റുകളില് മത്സരിക്കും. സിപിഐ നാലിടത്തും മത്സരിക്കും. എന്സിപിക്കും ജെഡിയുവിനും സീറ്റില്ല.
പന്ത്രണ്ട് സീറ്റുകളാണ് കേരള കോണ്ഗ്രസ് ആവശ്യപ്പെട്ടത്. കൂടുതല് സീറ്റുകള് വിട്ടു നല്കാന് സിപിഐ വിസമ്മതിച്ചതോടെയാണ് തര്ക്കമുണ്ടായത്. പാലാ നഗരസഭയിലുള്പ്പെടെ സീറ്റ് വിഭജനം തിങ്കളാഴ്ച പൂര്ത്തിയാക്കും.
