കൊണ്ടോട്ടി : വിമാനത്താവളം വഴി എത്തുന്ന യാത്രക്കാര്ക്കുള്ള നിരീക്ഷണകേന്ദ്രമായി ഹജ്ജ് ഹൗസ് മാറ്റി. കേന്ദ്ര ഹജ്ജ് കമ്മിറ്റിയുടെ നിര്ദേശത്തെത്തുടര്ന്ന് സംസ്ഥാന സര്ക്കാരാണ് ഹജ്ജ് ഹൗസില് യാത്രക്കാര്ക്ക് സൗകര്യമൊരുക്കിയത്.
ആദ്യദിനത്തില് എട്ട് യാത്രക്കാര് ഹജ്ജ് ഹൗസിലെത്തിയിരുന്നു. പുരുഷന്മാര്ക്കും സ്ത്രീകള്ക്കുമായി 60 കട്ടിലുള്പ്പടെയുളള സൗകര്യങ്ങള് ആരോഗ്യവകുപ്പ് സജ്ജീകരിച്ചിട്ടുണ്ട്. രോഗികളല്ലാത്ത യാത്രക്കാരെയാണ് നിരീക്ഷണത്തില് വെക്കുന്നത്.
ബന്ധുക്കള് എത്തുന്നതുവരെ യാത്രക്കാരുടെ താമസം ഹജ്ജ് ഹൗസിലാകും. അതേസമയം വിമാന സര്വീസുകള് ഏതാണ്ട് നിലച്ചതോടെ കൂടുതല് ആളുകളെ ഹജ്ജ് ഹൗസില് താമസിപ്പിക്കേണ്ടിവരില്ലെന്നാണ് സൂചന.