തൃശൂര് : കുന്നംകുളത്ത് അടഞ്ഞു കിടക്കുന്ന സ്വകാര്യ ആശുപത്രി ഐസോലേഷന് വാര്ഡാക്കി മാറ്റണമെന്ന് ആവശ്യപ്പെട്ട് കളക്ടര്ക്ക് പരാതി. ആധുനിക സൗകര്യങ്ങളോടെ ആരംഭിച്ച ആശുപത്രി സാമ്പത്തിക പരാധീനതമൂലം ആറു വര്ഷം മുന്പാണ് അടച്ചത്. കൊവിഡ് പടരുന്നത് കണക്കിലെടുത്ത് കുന്നംകുളത്തെ അലൈഡ് ആശുപത്രി തുറക്കാന് വഴിയൊരുക്കണമെന്നാണ് നാട്ടുകാരുടെ ആവശ്യം.
പ്രവാസി മലയാളിയായിരുന്ന ഗുരുവായൂര് സ്വദേശി നാല്പതു കോടി രൂപ മുടക്കി ആധുനിക സൗകര്യങ്ങളോടെ നിര്മിച്ച ആശുപത്രിയായിരുന്നു. ആശുപത്രിയുടെ ഉടമ സാമ്പത്തിക ബാധ്യതമൂലം ജപ്തി ഭീഷണി നേരിട്ടതോടെ ആശുപത്രി അടച്ചു. കോടതി നടപടികള് ഇപ്പോഴും തുടരുകയാണ്. ഐസലോഷന് വാര്ഡാക്കി മാറ്റാന് സൗകര്യമുള്ള ആശുപത്രിയാണിത്. സര്ക്കാര് ഇടപ്പെട്ടാല് ആശുപത്രി തുറക്കാന് സാധിക്കുമെന്ന് നാട്ടുകാര് പ്രതീക്ഷിക്കുന്നു. ഒരു ലക്ഷം ചതുരശ്രയടി വിസ്തീര്ണമുണ്ട് ആശുപത്രിപത്രിയ്ക്ക്. ഒട്ടേറെ മുറികളും. പി.ഡബ്ലു.ഡി. റസ്റ്റ് ഹൗസുകളും കോളജുകളും ഓഡിറ്റോറിയങ്ങളും ഐസോലേഷന് വാര്ഡാക്കി മാറ്റുന്നതിനാല് ഈ ആശുപത്രിയും തുറക്കണമെന്നാണ് നാട്ടുകാരുടെ ആവശ്യം.