ന്യൂഡല്ഹി : രാജ്യത്തെ കൊവിഡ് കേസുകള് 20000 കടന്നു. കഴിഞ്ഞ 24 മണിക്കൂറിനിടെ 20,139 പേര്ക്ക് രോഗം സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച് 3,619 കേസുകളുടെ വര്ധനവാണ് ഉണ്ടായിരിക്കുന്നത്. 38 മരണങ്ങളും റിപ്പോര്ട്ട് ചെയ്തു. ഇന്നലെ 16,482 പേര് രോഗമുക്തി നേടി. ടി പി ആര് അഞ്ച് ശതമാനത്തിന് മുകളിലാണ്. കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം സജീവ കേസുകള് 1,36,076 ആയി ഉയര്ന്നു. മൊത്തം അണുബാധകളുടെ 0.30 ശതമാനവും സജീവമായ കേസുകളാണ്.
അതേസമയം ഡൽഹി ആരോഗ്യ വകുപ്പിന്റെ കണക്കുകൾ പ്രകാരം കഴിഞ്ഞ 24 മണിക്കൂറിനുള്ളിൽ 490 കൊറോണ കേസുകൾ റിപ്പോർട്ട് ചെയ്യുകയും മൂന്ന് പേർ മരിക്കുകയും ചെയ്തു. നിലവിൽ മരണനിരക്ക് 1.35 ശതമാനമാണ്. സാമ്പത്തിക തലസ്ഥാനമായ മുംബൈയിൽ ഇന്നലത്തേതിനേക്കാൾ കേസുകൾ ഇന്ന് കുറവാണ്. കഴിഞ്ഞ 24 മണിക്കൂറിനുള്ളിൽ 383 കേസുകൾ മുംബൈയിൽ രജിസ്റ്റർ ചെയ്തു. അതേസമയം ഒരാൾ മരിച്ചു.
