തിരുവല്ല : പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം കാട്ടിയ യുവാവിനെ കോയിപ്പുറം പോലീസ് അറസ്റ്റ് ചെയ്തു. അയിരൂർ – കാവുമുക്ക് മുതുമരത്തിൽ വീട്ടിൽ അമൽ എം.ശശി (29) യെയാണ് അറസ്റ്റ് ചെയ്തത്. സെപ്റ്റംബർ ആറാം തീയതി ഇയാൾ പെൺകുട്ടിയെ ലൈംഗിക ഉദ്ദേശത്തോടെ സമീപിക്കുകയും ശല്യം ചെയ്യുകയുമായിരുന്നു. കുട്ടിയിൽ നിന്ന് വിവരങ്ങൾ മനസിലാക്കിയ രക്ഷിതാവ് കോയിപ്പുറം പോലീസ് സ്റ്റേഷനിൽ പരാതി നല്‍കുകയും കേസ് രജിസ്റ്റർ ചെയ്യുകയുമായിരുന്നു.
മുൻപും പലതവണ ഇയാൾ കുട്ടിയെ ഇത്തരത്തിൽ ശല്യം ചെയ്തിരുന്നതായും പോലീസിന് വിവരം ലഭിച്ചിട്ടുണ്ട്. തുടർന്ന് നടത്തിയ അന്വേഷണത്തില്‍ പോലീസ് പ്രതിയെ അറസ്റ്റ് ചെയ്യുകയായിരുന്നു. കീഴ്വായ്പൂർ സർക്കിൾ ഇൻസ്പെക്ടർ സുരേഷ്‌ കുമാർ, എസ്.ഐ.അനൂബ് പി., ഉദ്യോഗസ്ഥരായ ഷെബാന, അനന്തു, പരശുറാം, ജയേഷ്, അരവിന്ദ് എന്നിവരങ്ങിയ അന്വേഷണ സംഘമാണ് പ്രതിയെ അറസ്റ്റ് ചെയ്തത്. പത്തനംതിട്ട അഡീഷണൽ ജില്ലാ സെഷൻസ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
