കോഴഞ്ചേരി : കഴിഞ്ഞദിവസം കോഴഞ്ചേരി പനച്ചിക്കുഴിയിലെ വീട്ടില് കണ്ട രക്തം ഏതോ ചെറിയ ജീവിയുടെയെന്നു തെളിഞ്ഞു. കഴിഞ്ഞ രണ്ടാം തീയതി വൈകിട്ട് ഏഴു മണിയോടെയാണ് കോഴഞ്ചേരി ഗ്രാമ പഞ്ചായത്ത് ആറാം വാര്ഡിലെ കുരങ്ങുമലയിലെ ഒരു വീട്ടില് തറയില് രക്തം കണ്ടത്. വിവരം അറിഞ്ഞതോടെ പ്രദേശത്തേക്ക് ജനം ഒഴുകിയെത്തി. ജനപ്രതിനിധികളും പോലീസും റവന്യൂ അധികൃതരും സ്ഥലത്തെത്തി പരിശോധന നടത്തുകയും രക്തത്തിന്റെ സാമ്പിള് എടുക്കുകയും ചെയ്തിരുന്നു.
രാത്രി പത്തു മണിയോടെ പത്തനംതിട്ട മീഡിയ ഈ സംഭവം ലൈവില് കാണിക്കുകയും ചെയ്തിരുന്നു. തറയില് നിന്നും രക്തം പൊടിഞ്ഞു വരുന്നു എന്നാണ് വീട്ടുകാര് പറഞ്ഞത്. തുടച്ചു കളഞ്ഞിട്ടും വീണ്ടും രക്തം വന്നുകൊണ്ടിരുന്നു എന്നും പറഞ്ഞിരുന്നു. എന്നാല് വിശദമായ പരിശോധനയില് ഏതോ ജീവി എന്തിനെയോ കടിച്ചുകൊന്നപ്പോള് വീണ രക്തമാണെന്ന് സ്ഥിരീകരിച്ചു. ഇതോടെ ജനങ്ങളുടെയും വീട്ടുകാരുടെയും ആശങ്ക മാറി.
