കോഴിക്കോട് : മെഡിക്കല് കോളജ് ആശുപത്രിയില് ഡോക്ടര്ക്കും രോഗിക്കും കോവിഡ് സ്ഥിരീകരിച്ചു. ഇതേ തുടര്ന്ന് മെഡിക്കല് കോളജിലെ മാതൃശിശു സംരക്ഷണ കേന്ദ്രത്തിലെ ഒരു വാര്ഡ് അടച്ചു.
കോഴിക്കോട് ജില്ലയില് വെള്ളിയാഴ്ച 158 പേര്ക്കാണ് കൊവിഡ് സ്ഥിരീകരിച്ചത്. വിദേശത്ത് നിന്ന് എത്തിയ ഏഴുപേര്ക്കും ഇതരസംസ്ഥാനങ്ങളില് നിന്ന് എത്തിയവരില് നാലുപേര്ക്കുമാണ് പോസിറ്റീവ് ആയത്. സമ്പര്ക്കം വഴി 136 പേര്ക്ക് രോഗം ബാധിച്ചു. 11 പേരുടെ ഉറവിടം വ്യക്തമല്ല. കോഴിക്കോട് കോര്പ്പറേഷന് പരിധിയില് സമ്പര്ക്കം വഴി 28 പേര്ക്കും ചോറോട് പ്രദേശത്ത് 59 പേര്ക്കും വടകര മുനിസിപ്പാലിറ്റിയില് 16 പേര്ക്കും രോഗം ബാധിച്ചു. രണ്ട് ആരോഗ്യപ്രവര്ത്തകര്ക്കും പോസിറ്റീവായി. ഇതോടെ ചികിത്സയിലുള്ള കോഴിക്കോട് സ്വദേശികളുടെ എണ്ണം 1140 ആയി. 163 പേര് വ്യാഴാഴ്ച രോഗമുക്തി നേടി.
