കോഴിക്കോട് : ജില്ലാ കോർപറേഷൻ അനുമതി നിഷേധിച്ച കാലിക്കറ്റ് ട്രേഡ് സെന്ററിലെ ന്യൂ ഇയർ ആഘോഷ പരിപാടിയുമായി സംഘാടകർ മുന്നോട്ട്. കോർപറേഷന്റെ സ്റ്റോപ്പ് മെമ്മോ സ്റ്റേ ചെയ്‌തുകൊണ്ട് ഹൈക്കോടതി ഉത്തരവിറക്കിയതോടെയാണ് പരിപാടി നടത്താനുള്ള സംഘാടകരുടെ തീരുമാനം.
തണ്ണീർത്തടം നികത്തലുമായി ബന്ധപ്പെട്ട പരാതികൾ നിലനിൽക്കുന്ന പശ്ചാത്തലത്തിലും ട്രേഡ് സെന്ററിന്റെ കെട്ടിട നിർമാണം അനധികൃതം എന്നുമുള്ള വിലയിരുത്തന്റെ അടിസ്ഥാനത്തിലുമാണ് പരിപാടിക്ക് കോഴിക്കോട് കോർപറേഷൻ സ്റ്റോപ്പ് മെമ്മോ നൽകിയത്. പരിപാടി നടത്താനാവശ്യമായ രേഖകൾ സമർപ്പിക്കാൻ ട്രേഡ് സെന്ററിന് കഴിഞ്ഞില്ലെന്നും കോർപറേഷൻ നൽകിയ സ്റ്റോപ്പ് മെമ്മോയിലുണ്ട്. അവസാന നിമിഷം പരിപാടി തടഞ്ഞത് അനീതി എന്ന് കാണിച്ച് സംഘാടകരായ ഫോർച്യൂൺ ബക്കറ്റ് ഹൈക്കോടതിയെ സമീപിക്കുകയായിരുന്നു.
പുതുവത്സര ആഘോഷത്തിൻ്റെ ഭാഗമായി അവിയൽ ബാൻഡും ശ്രീനാഥ് ഭാസിയും ഉൾപ്പെടെ പങ്കെടുക്കുന്ന സംഗീത പരിപാടിയാണ് ഇന്ന് ട്രേഡ് സെന്ററിൽ നടത്തുന്നത്. നാലായിരത്തിലധികം പേരെ പങ്കെടുപ്പിച്ചുകൊണ്ടാണ് പരിപാടി.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
