കോഴിക്കോട്: കോഴിക്കോട് തളി ക്ഷേത്രക്കുളത്തിെല മീനുകള് ചത്തുപൊങ്ങിയതില് ദുരൂഹത ഒഴിയുന്നു. മീനുകള് ചത്തത് കുളത്തിലെ ഓക്സിജന്റെ അളവ് കുറവുകൊണ്ടാണെന്ന് സിഡബ്ല്യുആര്ഡിഎം വ്യക്തമാക്കി. ജലത്തിന്റെ പിഎച്ച് മൂല്യം കൂടുതലാണെന്നും രാസപരിശോധനയില് മനസിലായി. കഴിഞ്ഞ ദിവസം രാവിലെയാണ് ക്ഷേത്രക്കുളത്തിലെ മീനുകളെ ചത്തു പൊങ്ങിയ നിലയില് കണ്ടെത്തിയത്. പുലര്ച്ചെ എത്തിയ സെക്യൂരിറ്റി ജീവനക്കാരനാണ് മീനുകള് കൂട്ടത്തോടെ ചത്തുപൊന്തിയത് ശ്രദ്ധിച്ചത്. തുടര്ന്ന് പോലീസില് വിവരമറിയിക്കുകയായിരുന്നു. ആദ്യഘട്ടത്തില് കുളത്തില് ആരോ വിഷം കലര്ത്തിയതാകാമെന്ന സംശയം ഉണ്ടായിരുന്നു.
ഇതിന്റെ അടിസ്ഥാനത്തില് സിഡബ്ലുആര്ഡിഎമ്മിലെ രാസപരിശോധനയില് കുളത്തില് ഓക്സിജന്റെ അളവ് കുറവായിരുന്നുവെന്ന് കണ്ടെത്തി. ഇതാണ് മീനുകള് കൂട്ടത്തോടെ ചത്തുപൊങ്ങാന് കാരണം. കോര്പ്പറേഷന് ആരോഗ്യവിഭാഗവും ഫിഷറീസ് ജില്ലാഎക്സിക്യൂട്ടീവ് ഓഫീസറും കുളത്തിലെ വെള്ളവും ചത്ത മീനുകളെയും പരിശോധിച്ചു. പരിശോധനയില് മീനുകള്ക്ക് അസുഖമൊന്നും കണ്ടെത്താനായിട്ടില്ല. വെള്ളത്തിലെ മറ്റു രാസ്തവസ്തുക്കളുടെ അളവ് കണ്ടെത്താന് മീന് സാംപിള് കൊച്ചിയിലെ ലാബിലേക്ക് അയച്ചിട്ടുണ്ട്.
