കൊല്ലം : നാളെ മുതൽ കോൺഗ്രസ് സ്ഥാനാർഥി നിർണയ ചർച്ചകൾ തുടങ്ങുമെന്നും അവ ഉടൻ പൂർത്തിയാക്കുമെന്നും പ്രതിപക്ഷ നേതാവ് വിഡി സതീശൻ. രാഹുൽ ഗാന്ധി വയനാട്ടിൽ മത്സരിക്കണമെന്ന് കെപിസിസി ആവശ്യപ്പെട്ടിട്ടുണ്ടെന്നും അത് തന്നെയാണ് യുഡിഎഫിന്റെയും ആവശ്യമെന്നും അദ്ദേഹം വാർത്താസമ്മേളനത്തിൽ പറഞ്ഞു.
തെരഞ്ഞെടുപ്പ് കാര്യങ്ങളിൽ അന്തിമതീരുമാനം പറയേണ്ടത് ദേശീയ തെരഞ്ഞെടുപ്പ് കമ്മിറ്റിയാണെന്നും അദ്ദേഹം പറഞ്ഞു. ആലപ്പുഴയിൽ ഉണ്ടായത് സാധാരണ സംഭവിക്കുന്ന കാര്യമാണെന്നും തന്നോട് ക്ഷുഭിതനാകാനുള്ള സ്വാതന്ത്ര്യം കെപിസിസി പ്രസിഡൻറിനുണ്ടെന്നും കെ സുധാകരനൊപ്പം നടത്തിയ വാർത്താസമ്മേളനത്തിൽ അദ്ദേഹം വ്യക്തമാക്കി.
