കോഴിക്കോട്: സംസ്ഥാന വൈദ്യുതി മന്ത്രിയും കെപിസിസി അധ്യക്ഷനുമായ സണ്ണി ജോസഫിനെതിരെ കോട്ടയത്തും ഫ്ലെക്സ്. കോട്ടയം ഡിസിസി ഓഫീസിന് മുന്നിലാണ് ഫ്ലെക്സ് പ്രത്യക്ഷപ്പെട്ടത്. കെപിസിസിക്ക് വേണ്ടത് മുഴുവന് സമയ പ്രസിഡന്റിനെയാണെന്നാണ് ഫ്ലെക്സില് എഴുതിയിരിക്കുന്നത്. കോണ്ഗ്രസ് പ്രവര്ത്തകരുടെ പേരിലാണ് ഫ്ലെക്സ് പ്രത്യക്ഷപ്പെട്ടത്. എംപിയും എംഎല്എയും അവരുടെ മണ്ഡലം ശ്രദ്ധിക്കട്ടെയെന്നും ഒരാള്ക്ക് ഒരു പദവി മതിയെന്നും ഫ്ലെക്സില് പറയുന്നു. നേരത്തെ കോഴിക്കോട് ഡിസിസിക്ക് മുന്നിലും സണ്ണി ജോസഫിനെതിരെ ഫ്ലെക്സ് പ്രത്യക്ഷപ്പെട്ടിരുന്നു. രണ്ടിടങ്ങളിലും ഒരേപോലെയുള്ള ഫ്ലെക്സുകളാണ് പ്രത്യക്ഷപ്പെട്ടത്. സംഭവം വാര്ത്തയായതോടെ കോഴിക്കോട് ഡിസിസിക്ക് മുന്നില് സ്ഥാപിച്ചിരുന്ന ഫ്ലെക്സുകള് നീക്കിയിരുന്നു.
കോണ്ഗ്രസ് പ്രവര്ത്തകരുടെ പേരിലാണ് കോഴിക്കോടും ഫ്ലെക്സ് ഉയര്ന്നത്. കെപിസിസി അധ്യക്ഷ സ്ഥാനത്ത് നിന്ന് സണ്ണി ജോസഫിനെ മാറ്റണമെന്ന ആവശ്യം ശക്തമാകുന്നതിനിടെയാണ് കോഴിക്കോടും കോട്ടയത്തുമായി അദ്ദേഹത്തിനെതിരെ ഫ്ലെക്സുകള് ഉയരുന്നത്.
