തിരുവനന്തപുരം : കേന്ദ്ര മന്ത്രി വി മുരളീധരന് കെ. റെയിലിനെ പകല് വിമര്ശിക്കുകയും രാത്രി അനുകൂലിക്കുകയും ചെയ്യുകയാണെന്ന് പ്രതിപക്ഷ നേതാവ് വിഡി സതീശന് പരിഹസിച്ചു. പരസ്പര വിരുദ്ധമായ നിലപാടാണാണ് മുരളീധരനെന്നും സതീശന് പറഞ്ഞു. ശിഖണ്ഡി പരാമര്ശത്തിലും കേന്ദ്രമന്ത്രിക്ക് പ്രതിപക്ഷ നേതാവ് മറുപടി നല്കി. ഏതു കാലത്താണ് മുരളീധരന് ജീവിക്കുന്നത്. ഈ കാലത്തിന് ചേര്ന്ന പ്രസ്താവനയല്ല അദ്ദേഹത്തിന്റെ ഭാഗത്തുനിന്നും ഉണ്ടാകുന്നതെന്നും അദ്ദേഹം പറഞ്ഞു.
സില്വര് ലൈന് സര്വേ കല്ല് പറിക്കും മുമ്പ് സ്വന്തം പല്ല് സൂക്ഷിക്കണമെന്ന കണ്ണൂര് ജില്ലാ സെക്രട്ടറി എം.വി. ജയരാജന്റെ പ്രസ്താവനയ്ക്കും പ്രതിപക്ഷ നേതാവ് തിരിച്ചടിച്ചു. ജനങ്ങളെ ഭയപ്പെടുത്താനാണ് സിപിഎമ്മിന്റെ നീക്കമെന്ന് സതീശന് മാധ്യമങ്ങളോട് പറഞ്ഞു. തലവെട്ടും പല്ല് കൊഴിക്കലും സിപിഎമ്മിന്റെ പരിപാടിയാണ്. കണ്ണൂര് ജില്ലാ സെക്രട്ടറി ഇതിന് നേതൃത്വം കൊടുക്കുന്നുയാളാണെന്നും സതീശന് തുറന്നടിച്ചു.
