കോന്നി : റാന്നിയിൽ നിന്നും വടശേരിക്കര, ചെങ്ങറ വഴി കോന്നി മെഡിക്കൽ കോളേജിലേക്ക് കെ.എസ്. ആർ. ടി.സി ബസ് സർവീസ് ആരംഭിക്കണമെന്ന് ചെങ്ങറ സഹൃദവേദി ആവശ്യപ്പെട്ടു. ഇത് വഴി ബസ് സർവീസ് ആരംഭിച്ചാൽ വടശേരിക്കര, നരിക്കുഴി, കുമ്പളാംപൊയ്ക, തലച്ചിറ, മുക്കുഴി, തെക്കുംമല, പുതുക്കുളം, കുമ്പഴതോട്ടം, കടവുപുഴ, ചെമ്മാനി, മിച്ചഭൂമി, ചെങ്ങറ തുടങ്ങിയ പ്രദേശങ്ങളിലെ ജനങ്ങൾക്ക് മെഡിക്കൽ കോളേജിൽ എത്തി ചേരാൻ കഴിയും. നിലവിൽ വടശേരിക്കര കോന്നി റൂട്ടിൽ ബസ് സർവീസുകളില്ല. കോന്നിയിൽ നിന്നും സർവീസ് നടത്തുന്ന സ്വകര്യബസ് പുതുക്കുളം വരെയാണ് പോകുന്നത്. ബസ് സർവീസ് ആരംഭിച്ചാൽ തോട്ടം മേഖലയിലെ താമസക്കാരായ തൊഴിലാളികൾക്കും പ്രയോജനപ്പെടും. യോഗത്തിൽ എബ്രഹാം ചെങ്ങറ അധ്യക്ഷത വഹിച്ചു. ചെങ്ങറ കുഞ്ഞുമോൻ, ജേക്കബ് മഠത്തിലെത്ത്, എം.ടി. ഈപ്പൻ തുടങ്ങിയർ സംസാരിച്ചു.
കെ.എസ്. ആർ. ടി.സി ബസ് സർവീസ് ആരംഭിക്കണം ; ആവശ്യം ശക്തമാകുന്നു
RECENT NEWS
Advertisment