ആലുവ : കെ.എസ്.ആര്.ടി.സി ബസിന്റെ പിന്ഭാഗത്തെ ബോര്ഡ് ജീവനക്കാര് അബദ്ധത്തില് തലതിരിച്ചുവച്ചത് ബസ് കാത്തുനിന്നവരെ വട്ടംകറക്കി. എറണാകുളത്ത് നിന്ന് തൃശൂരിലേക്ക് പോയ ടി.ആര് 214-ാം നമ്പര് കെ.എസ്.ആര്.ടി.സി ബസിന്റെ പിന്നിലെ ബോര്ഡാണ് തലതിരിഞ്ഞുകിടന്നത്. വ്യാഴാഴ്ച രാവിലെ 7.40ന് ആലുവ നഗരത്തിലൂടെ സര്വീസ് നടത്തിയ ബസിലായിരുന്നു ഈ കാഴ്ച.
ചിലപ്പോഴൊക്കെ ബസുകള്ക്കു പിന്നാലെ ഓടിയാണ് യാത്രക്കാര് കയറുന്നത്. അപ്പോള് മുന്നിലെ ബോര്ഡിനേക്കാള് പ്രാധാന്യം വരും പിന്നിലെ റൂട്ട് ബോര്ഡിന്. ബോര്ഡ് തലകീഴായി വച്ചാല് മുതിര്ന്ന യാത്രക്കാര്ക്ക് വായിക്കാനാവില്ല. ചുരുക്കത്തില് അവര്ക്ക് ബസില് കയറാന് സാധിക്കാറുമില്ല.