റാന്നി: ആങ്ങമൂഴിയിൽ നിന്നും എറണാകുളത്തിന് പോകുന്ന കെഎസ്ആർടിസി ഫാസ്റ്റ് പാസഞ്ചർ ബസ് ചിങ്ങപ്പുലരിയിലെത്തിയത് അണിഞ്ഞൊരുങ്ങി. റാന്നി ഓപ്പറേറ്റിംങ് സെന്‍ററിലെ ബസാണ് അലങ്കരിച്ച് സര്‍വ്വീസിനെത്തിയത്. ഡ്രൈവർ പ്രസാദാണ് അലങ്കാരത്തിനു പിന്നില്‍. ശമ്പളവിതരണം മുടങ്ങുകയും ഇന്ധന ലഭ്യത പ്രതിസന്ധിയിലാവുകയും ചെയ്യുന്ന സമയത്ത് ആത്മാർത്ഥതയോടുകൂടി ജോലി ചെയ്യുന്ന ഡ്രൈവർ പ്രസാദിന് സ്ഥിരം യാത്രക്കാര്‍ അഭിനന്ദനങ്ങൾ നല്‍കാനും മറന്നില്ല
