തിരുവനന്തപുരം : കെഎസ്ആര്ടിസിയില് ശമ്പള പരിഷ്കരണം ഉടന് നടപ്പിലാക്കണമെന്നാവശ്യപ്പെട്ട് ഇടതുസംഘടനയും സമരത്തിലേക്ക്.നവംബര് അഞ്ചിന് പണിമുടക്ക് നടത്താനാണ് തീരുമാനം. ഗതാഗതമന്ത്രി കെഎസ്ആര്ടിസി മാനേജ്മെന്റുമായും തൊഴിലാളി സംഘടനകളുമായും ചര്ച്ച നടത്തിയെങ്കിലും ഇതുവരെയും തീരുമാനമാകാത്ത സാഹചര്യത്തിലാണ് ഇടതുസംഘടന പണിമുടക്കിലേക്ക് നീങ്ങുന്നത്.
സിപിഐ സംസ്ഥാന സെക്രട്ടറി കാനം രാജേന്ദ്രന് അടക്കം കെഎസ്ആര്ടിസി ജീവനക്കാരുടെ ശമ്പളപരിഷ്കരണ വിഷയത്തില് ഇടപെട്ടിരുന്നു. എണ്പത് കോടിയോളം രൂപ അധികമായി സര്ക്കാര് അനുവദിച്ചെങ്കില് മാത്രമേ ശമ്പളം വിതരണം ചെയ്യാനാകൂ. ധനകാര്യ വകുപ്പ് ഇതുവരെ കെഎസ്ആര്ടിസി അപേക്ഷ പരിഗണിച്ചില്ലെന്നാണ് ആരോപണം.
