തിരുവനന്തപുരം : കെ.എസ്.ആര്.ടി.സിയില് ശമ്പളവിതരണത്തിലെ അനിശ്ചിതത്വത്തിനെതിരെ കെ.എസ്.ആര്.ടി.ഇ.എയുടെ ആഭിമുഖത്തില് ട്രാന്സ്പോര്ട്ട് ഭവനുമുന്നില് നടത്തിവന്ന അനിശ്ചിതകാല സത്യഗ്രഹം അവസാനിപ്പിച്ചു. അതേസമയം, സംഘടന മുന്നോട്ടുവെച്ച ആവശ്യങ്ങള് ചര്ച്ച ചെയ്ത് അംഗീകരിക്കുന്നതുവരെ ട്രാന്സ്പോര്ട്ട് ഭവനുമുന്നില് രാപ്പകല് റിലേ നിരാഹാര സത്യഗ്രഹം അനുഷ്ഠിക്കും.
തിങ്കളാഴ്ച സംസ്ഥാന സെക്രട്ടറി പി.എ ജോജോ നിരാഹാര സത്യഗ്രഹത്തിന് തുടക്കം കുറിക്കും. ശമ്പളം എല്ലാമാസവും അഞ്ചിനകം വിതരണം ചെയ്യുക, ഒത്തുതീര്പ്പ് വ്യവസ്ഥകള് പാലിക്കുക, താല്ക്കാലിക ജീവനക്കാരുടെ പുനരധിവാസം ഉറപ്പാക്കുക, സര്വിസ് ഓപറേഷന് കാര്യക്ഷമമാക്കുക തുടങ്ങിയ ആവശ്യങ്ങളുന്നയിച്ച് കെ.എസ്.ആര്.ടി.ഇ.എയുടെ നേതൃത്വത്തില് നടന്ന അനിശ്ചിതകാല ധര്ണ 23ാം ദിവസം സി.ഐ.ടി.യു ദേശീയ കൗണ്സില് അംഗം വി.കേശവന്കുട്ടി ഉദ്ഘാടനം ചെയ്തു. കൊല്ലം ജില്ല ട്രഷറര് ബിജുകുമാര് അധ്യക്ഷത വഹിച്ചു.
