തിരുവനന്തപുരം : തലസ്ഥാനത്ത് പണിമുടക്ക് അനുകൂലികളുടെ അഴിഞ്ഞാട്ടം. കെഎസ്ആര്ടിസി കണ്ടക്ടറെയും ഡ്രൈവറെയും സമരക്കാര് മര്ദിച്ചു. തമ്പാനൂര് സ്റ്റാന്ഡില് നിന്നും കളിയിക്കാവിളയിലേക്ക് പോയ ബസ് പാപ്പനംകോട് വെച്ചാണ് സമരക്കാര് തടഞ്ഞത്. തുടര്ന്ന് യാത്രക്കാരെ ബസില് നിന്നും ഇറക്കിവിട്ടു. ആക്രോശിച്ചെത്തിയ സമരക്കാര് പോലീസിന്റെ മുന്നിലിട്ട് ക്രൂരമായി മര്ദിച്ചെന്ന് ബസിലെ ജീവനക്കാര് പറഞ്ഞു. ശരീരത്തിലേക്ക് തുപ്പിയെന്നും ഇവര് പറയുന്നു. ആക്രമണം ആസൂത്രിതമാണെന്നും വാട്സ്ആപ്പ് വഴി ആക്രമികള് വിവരം മുന്കൂട്ടി കൈമാറിയെന്നും ബസ് ജീവനക്കാര് ആരോപിച്ചു.
