തിരുവനന്തപുരം : വര്ക്കല തീ പിടുത്തതില് ഫയര് ഫോഴ്സ് റിപ്പോര്ട്ട് പുറത്ത്. തീ പടര്ന്നത് വീടിന്റെ കാര് പോര്ച്ചില് നിന്നാണ്. കാര്പോര്ച്ചില് നിന്നും കേബിള് വഴി തീ ഉള്ളിലെ ഹാളിലേക്ക് പടര്ന്നു. തീ ആളിക്കത്താന് സഹായിക്കുന്ന വസ്തുകള് ഹാളിലുണ്ടായിരുന്നുവെന്നും റിപ്പോര്ട്ടില് പറയുന്നു. വീടിനകത്തുണ്ടായിരുന്നവര് അഗ്നിബാധയറിയുകയും രക്ഷപ്പെടാന് ശ്രമിക്കുകയും ചെയ്തിരുന്നുവെന്ന് റിപ്പോര്ട്ടില് പറയുന്നു. പുക ശ്വസിച്ചവര് എഴുന്നേല്ക്കാന് ശ്രമിച്ചിട്ടുണ്ട്. രക്ഷാപ്രവര്ത്തനം നടത്തുമ്പോള് മൃതദേഹങ്ങളെല്ലാം വാതിലിന് സമീപം കണ്ടെത്തിയത് ഇതിന് തെളിവാണ്. വാതില് തുറക്കാനുള്ള ശ്രമത്തിനിടെ പുക ശ്വസിച്ചു ഇവര് വീണതാവാനാണ് സാധ്യതയെന്നാണ് അഗ്നിരക്ഷാസേനയുടെ റിപ്പോര്ട്ടില് പറയുന്നത്.
