തിരുവനന്തപുരം : കെഎസ്ആര്ടിസിയിലെ 18-44 വയസിന് മധ്യേയുള്ള അര്ഹരായ ജീവനക്കാര്ക്ക് ഉടന് തന്നെ വാക്സിന് ലഭ്യമാക്കുമെന്ന് സിഎംഡി ബിജു പ്രഭാകര് ഐഎഎസ് അറിയിച്ചു. കെഎസ്ആര്ടിസി ജീവനക്കാരെ മുന്ഗണന വിഭാഗത്തില് ഉള്പ്പെടുത്തി വാക്സിന് നല്കുവാന് സര്ക്കാര് ഉത്തരവിറക്കിയതിന്റെ അടിസ്ഥാനത്തിലാണിത്.
വ്യാഴാഴ്ച മുതല് ഇതിന് വേണ്ടിയുള്ള രജിസ്ട്രേഷന് നടപടികള് ആരംഭിക്കും. കണ്ടക്ടര്, ഡ്രൈവര്, മെക്കാനിക്കല്, മിനിസ്റ്റീരിയല് സ്റ്റാഫ് എന്ന മുന്ഗണന ക്രമത്തിലാകും വാക്സിന് ലഭ്യമാക്കുക. യൂണിറ്റ് അടിസ്ഥാനത്തിലാണ് വാക്സിന് കുത്തിവെയ്ക്കുന്നത്. യൂണിറ്റുകളിലും, ചീഫ് ഓഫീസുകളിലും ഒരു നോഡല് അസിസ്റ്റന്റിനെ ഇതിനായി ചുമതലപ്പെടുത്തും. നോഡല് അസിസ്റ്റന്റുമാര് വാക്സിന് ലഭ്യമാകുന്ന സര്ക്കാര് പോര്ട്ടലില് ജീവനക്കാരുടെ വിവരങ്ങള് അപ്ഡേറ്റ് ചെയ്യും. കൊവിഡ് പോസിറ്റീവ് ആയ ജീവനക്കാര്ക്ക് നെഗറ്റീവ് ആയി ആറ് ആഴ്ചകള്ക്ക് ശേഷമേ വാക്സിന് നല്കുകയുള്ളൂ.
