തിരുവനന്തപുരം: നാളെ സംസ്ഥാന വ്യാപകമായി കോളജുകളില് കെ.എസ്.യു വിദ്യാഭ്യാസ ബന്ദ് നടത്തും. ഉന്നത വിദ്യാഭ്യാസ മേഖലയെ എസ്എഫ്ഐ തകര്ത്തതായി ആരോപിച്ചാണ് ബന്ദ് നടത്തുന്നത്. വ്യാജന്മാരുടെ കൂടാരമായി എസ്എഫ് മാറുമ്പോള്, ഉന്നതവിദ്യാഭ്യാസ മേഖലയെ തകര്ത്തെറിയുമ്പോള്,സര്ക്കാര് മൗനം വെടിയണം എന്നാവശ്യപ്പെട്ടുകൊണ്ട് സംസ്ഥാന വ്യാപകമായി പ്രതിഷേധത്തിലേക്ക് നീങ്ങുകയാണെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര് പറഞ്ഞു.
അതേസമയം നിഖില് തോമസിനെ കായംകുളം എംഎസഎം കോളജ് സസ്പെന്ഡ് ചെയ്തു. മറ്റുകാര്യങ്ങള് അന്വേഷണ സമിതി നല്കുന്ന റിപ്പോര്ട്ടിന്റെ അടിസ്ഥാനത്തില് തീരുമാനിക്കുമെന്ന് എംഎസ്എം കോളജ് പ്രിന്സിപ്പല് അറിയിച്ചു. അന്വേഷണത്തിന് ആറംഗ സമിതിയെ നിയോഗിച്ചു. രണ്ടു ദിവസത്തിനകം റിപ്പോര്ട്ട് നല്കാന് സമിതിക്ക് നിര്ദേശം നല്കിയതായും മുഹമ്മദ് താഹ മാധ്യമങ്ങളോട് പറഞ്ഞു.
