തിരുവനന്തപുരം : ലോക്ക് ഡൗണ് തീര്ന്നാല് രണ്ടാഴ്ചയ്ക്കുള്ളില് എല്ലാ സര്വ്വകലാശാല പരീക്ഷകളും നടത്താന് ശ്രമിക്കുമെന്ന് മന്ത്രി കെ. ടി ജലീല്. അതിനുള്ള നിര്ദ്ദേശം നല്കിക്കഴിഞ്ഞെന്നും അദ്ദേഹം അറിയിച്ചു. എല്ലാ സര്വകലാശാലകളും ഓണ്ലൈനായി ക്ലാസുകള് പൂര്ത്തീകരിക്കണം. എത്രയും വേഗം അധ്യയന വര്ഷം തുടങ്ങാനാണ് ശ്രമിക്കുകയെന്നും മന്ത്രി പറഞ്ഞു. ഇതിനായി അവസാന വര്ഷ പരീക്ഷകള് ആദ്യം തീര്ക്കും.
അധ്യയന വര്ഷം തുടങ്ങാന് എല്ലാ പരീക്ഷകളും തീരുന്നത് വരെ കാത്തിരിക്കില്ലെന്നും മന്ത്രി വ്യക്തമാക്കി. പ്രവാസികളെ തിരിച്ചെത്തിക്കാനുള്ള കേന്ദ്രസര്ക്കാര് നീക്കം സ്വാഗതാര്ഹമാണെന്ന് പറഞ്ഞ മന്ത്രി പ്രവാസികള് തിരിച്ചെത്തുന്നതിന് മുന്നോടിയായി കേരളം എല്ലാ സജ്ജീകരണങ്ങളും പൂര്ത്തിയാക്കിയെന്നും വ്യക്തമാക്കി. കൊവിഡ് ഇതര മരണങ്ങളില് മൃതദേഹം നാട്ടിലേക്ക് തിരികെ കൊണ്ടുവരാനുള്ള സൗകര്യം കേന്ദ്രസര്ക്കാര് ഒരുക്കണം. ഇതിന് കേന്ദ്ര ആഭ്യന്തര മന്ത്രാലയത്തിന്റെ എന്ഒസി വാങ്ങണമെന്ന നിര്ദ്ദേശം ഒഴിവാക്കണമെന്നും മന്ത്രി ആവശ്യപ്പെട്ടു.