പത്തനംതിട്ട :കുളനട ജില്ലാ ആശുപത്രി പ്രസിഡൻ്റ് എൻ.സി മനോജ് സ്ഥാനം രാജിവെച്ചു. കെ.പി സി സി യുടെയും ഡിസിസിയുടെയും ശക്തമായ നിർദ്ദേശത്തെ തുടർന്നാണ് രാജിവെച്ചത്. ഒരു മാസത്തിനു മുൻപ് നടന്ന ഭരണസമിതി പ്രസിഡൻ്റ് തിരഞ്ഞെടുപ്പിൽ ഡിസിസി പ്രഖ്യാപിച്ച ഔദ്യോഗിക സ്ഥാനാർത്ഥി ജി.രഘുനാഥിനെതിരെ വിപ്പ് ലംഘിച്ച് വോട്ടു ചെയ്താണ് വിമതർ പരാജയപ്പെടുത്തിയത്. വിപ്പ് ലംഘിച്ച് വോട്ടു ചെയ്ത 6 പേരുടെ പേരിൽ ഡിസിസി നടപടി എടുത്തിരുന്നു. മനോജിൻ്റെ അച്ചടക്ക ലംഘനത്തിനെതിരെ നടപടിക്കായി കെപിസിസിയ്ക്ക് ഡി സി സി പ്രഡിഡൻ്റ് പ്രൊഫ: സതീശ് കൊച്ചുപറമ്പിൽ ശുപാർശ ചെയ്തിരുന്നു. കൂടാതെ കെ.പി സി സി ജനറൽ സെക്രട്ടറി എം എം നസീർ കുളനടയിൽ എത്തി അന്വേഷണം നടത്തിയിരുന്നു. എത്രയും പെട്ടെന്ന് രാജി വെയ്ക്കണമെന്നും അല്ലാത്ത പക്ഷം കർക്കശ നിലപാട് സ്വീകരിക്കുവാൻ കെ.പി സി സി മുന്നറിയിപ്പ് നൽകുകയുണ്ടായി. ഡിസിസിയുടെ വിപ്പ് ലംഘിക്കുന്ന നടപടി പൂർണ്ണമായും സംഘടനാ വിരുദ്ധ പ്രവർത്തനമാണെന്നും കെ.പി സി സി അറിയിച്ചു. ഇതിനെ തുടർന്നാണ് മനോജ് പ്രസിഡന്റ് സ്ഥാനം രാജി വെച്ചത്. കോൺഗ്രസ് പാർട്ടിയിൽ ഒരു കാരണവശാലം അച്ചടക്ക ലംഘനം അനുവദിക്കില്ലെന്ന് ഡി.സി.സി പ്രസിഡന്റ് പ്രൊഫ സതീഷ് കൊച്ചുപറമ്പിൽ പറഞ്ഞു. പുതിയ പ്രസിഡന്റ് സംബന്ധിച്ച് താമസിക്കാതെ ഡി.സി.സി തീരുമാനം കൈക്കൊള്ളുമെന്ന് പ്രസിഡന്റ് അറിയിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
