തിരുവനന്തപുരം: സംസ്ഥാന നിയമസഭാ തെരഞ്ഞെടുപ്പില് പാര്ട്ടി പറഞ്ഞാല് മത്സരിക്കുമെന്ന് കുമ്മനം രാജശേഖരന്. തെരഞ്ഞെടുപ്പില് മത്സരിക്കണമെന്ന ആഗ്രഹം തനിക്കില്ല. ആരോടും ആവശ്യപ്പെട്ടിട്ടുമില്ല. എന്നാല് പാര്ട്ടി പറഞ്ഞാല് താന് മത്സരിക്കുമെന്നും കുമ്മനം വ്യക്തമാക്കി.
നേമത്തെ കോണ്ഗ്രസ് മുന് മുഖ്യമന്ത്രി ഉമ്മന്ചാണ്ടിയുടെ സ്ഥാനാര്ത്ഥിത്വ വിവാദങ്ങളോടും പ്രതികരിച്ച കുമ്മനം, ഉമ്മന് ചാണ്ടിയല്ല പിണറായി മത്സരിച്ചാലും നേമത്ത് ബിജെപി ജയിക്കുമെന്നും കൂട്ടിച്ചേര്ത്തു. ബിജെപിയില് യാതൊരു വിഭാഗിയതയും ഇല്ല. തദ്ദേശ തെരഞ്ഞെടുപ്പില് ഒറ്റക്കെട്ടായാണ് പ്രവര്ത്തിച്ചതെന്നും അദ്ദേഹം പറഞ്ഞു.
ശബരിമല വിഷയത്തില് യുഡിഎഫും എല്ഡിഎഫും ഒത്തുകളിച്ചെന്ന് കുമ്മനം രാജശേഖരന് പറഞ്ഞു. ശബരിമലയിലെ ആചാര സംരക്ഷണത്തിനായി യുഡിഎഫ് ഒന്നും ചെയ്തില്ലെന്നും ഭക്തര്ക്കൊപ്പം ത്യാഗം സഹിച്ചത് ബിജെപി പ്രവര്ത്തകരാണെന്നും അദ്ദേഹം പറഞ്ഞു. നിയമസഭാ തെരഞ്ഞെടുപ്പില് മത്സരിക്കണമെന്ന ആഗ്രഹം തനിക്കില്ലെന്നും എന്നാല് പാര്ട്ടി ആവശ്യപ്പെട്ടാല് മത്സരിക്കുമെന്നും കുമ്മനം വ്യക്തമാക്കി.
