നീരേറ്റുപുറം : പ്രൊഫഷനിലിസവും പാരമ്പര്യ ഓണാഘോഷവും വള്ളംകളിക്കു മികവ് വർദ്ധിപ്പിക്കുന്നതായിരിക്കണമെന്ന് പത്തനംതിട്ട ജില്ലാ മുൻ ജില്ലാ കളക്ടർ എ. ജെ രാജൻ പറഞ്ഞു. കെ.സി മാമ്മൻ മാപ്പിള ട്രോഫിക്ക് വേണ്ടി സെപ്റ്റംബർ 4 ന് നടക്കുന്ന നീരേറ്റുപുറം ഉത്രാടം തിരുനാൾ പമ്പ ജലമേളക്ക് മുന്നോടിയായി നടത്തിയ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കുട്ടനാട് പൂരം@തിരുവല്ല കാർണിവൽ ഓഗസ്റ്റ് 22 മുതൽ സെപ്റ്റംബർ 14 വരെ തിരുവല്ല പബ്ലിക് സ്റ്റേഡിയത്തിൽ നടത്തുന്നതിന് തീരുമാനമായി. വിവിധ മേഖലകളിൽ വാണിജ്യ മേള, സ്കൂൾ, കോളജ് വിദ്യാർത്ഥികളുടെ കലാ മത്സരങ്ങൾ, കൂടാതെ നാടൻ കലാരൂപങ്ങളുടെ വിസ്മയ കാഴ്ചകൾ, ഡാൻസ് പ്രോഗ്രാം, ഫാഷൻ ഷോ എന്നിവ ഉണ്ടായിരിക്കും. തിരുവല്ല മുനിസിപ്പൽ വൈസ് ചെയർമാൻ ജിജി വട്ടശ്ശേരി അധ്യക്ഷത വഹിച്ചു.
മർച്ചന്റ് അസോസിയേഷൻ തിരുവല്ല പ്രസിഡന്റ് സലിം.എം, വിക്ടർ ടി. തോമസ്, ഫാദർ എബ്രഹാം മുളമൂട്ടിൽ ഓർഗനൈസിങ് കമ്മിറ്റി ചെയർമാൻ അഡ്വക്കേറ്റ് ചെറിയാൻ കുരുവിള അഡ്വ. ജെനു മാത്യു, പുന്നൂസ് ജോസഫ്, സജി പോത്തൻ, നീത ജോർജ്, ഷിബു. വി.വർക്കി, ഡോ. ജോൺസൺ വി ഇടുക്കുള, അഡ്വ. ഉമ്മൻ എം മാത്യു, ലിനു വി വട്ടപ്പറമ്പിൽ, ഷിബു കോയിക്കേരിൽ, അനിൽകുമാർ മദേഴ്സ്, സജി കൂടാരത്തിൽ, വി ആർ രാജേഷ്, ബിനു കുരുവിള, ജോയി ആറ്റുമാലിൽ, അനിൽ.സി ഉഷസ്, റെജി വേങ്ങൽ, പി.സി. രാജു, ബിനു പട്ടംപറമ്പൽ വിജയകുമാർ എന്നിവർ പ്രസംഗിച്ചു. 66-ാംമത് കെ സി മാമ്മൻ മാപ്പിള ട്രോഫിക്ക് വേണ്ടി നടന്ന ജലമേളയുടെ ഭാരവാഹികളെ ചടങ്ങിൽ ആദരിച്ചു
