കാഞ്ഞിരപ്പള്ളി : സ്വയം നശിക്കുകയും പിന്തുണയ്ക്കുന്ന കക്ഷികളെ തകര്ക്കുകയും ചെയ്യുന്ന ചരിത്രമാണ് കോണ്ഗ്രസിന്റെതെന്ന് ജോസ് കെ മാണി എം.പി ആരോപിച്ചു. കേരള കോണ്ഗ്രസ് (എം) കാഞ്ഞിരപ്പള്ളി നിയോജക മണ്ഡലം നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എന്.ഡി.പി, എസ്.ആര്.പി, ജനതാദള്, സി.എം.പി, ആര് എസ്.പി.കക്ഷികള്ക്ക് നിയമസഭയില് അംഗങ്ങള് പോലും ഇല്ലാതാക്കിയത് കോണ്ഗ്രസിന്റെ രാഷ്ട്രീയചതിയും കാലുവാരലും കാരണമാണ്. പി.ജെ.ജോസഫിനെ കൂടെ കൂട്ടിയതാണ് കേരള കോണ്ഗ്രസ് നേതൃത്വം കാട്ടിയ രാഷ്ട്രീയ മണ്ടത്തരമെന്നും ജോസ് കെ.മാണി പറഞ്ഞു.
