കോട്ടയം : കൂട്ടിക്കല് ഉരുള്പൊട്ടലില് കുഞ്ഞിന്റെ ഉള്പ്പെടെ ആറ് മൃതദേഹങ്ങള് ഇന്ന് കണ്ടെടുത്തു. ഇതാടെ ആകെ മരണം ഒന്പതായി. കാവാലിയില്നിന്ന് ഒരു സ്ത്രീയുടെയും പുരുഷന്റെയും മൃതദേഹം കൂടി കണ്ടെടുത്തു.ഓട്ടോ ഡ്രൈവറായ ഷാലറ്റിന്റെ മൃതദേഹമാണ് ഇന്ന് രാവിലെ കണ്ടെത്തിയത്. കൂട്ടികല് വെട്ടിക്കാനത്ത് നിന്നാണ് മൃതദേഹം ലഭിച്ചത്. ഇനി കണ്ടെത്താനുള്ള അഞ്ചു പേര്ക്കായി തിരച്ചില് തുടരുന്നു. കൂട്ടിക്കലിലും കൊക്കയാറിലും തെരച്ചില് തുടരുകയാണ്. രണ്ടിടങ്ങളിലായി 14 പേരെയാണ് ഇനി കണ്ടെത്താനുള്ളത്.
ക്ലാരമ്മ ജോസഫ് (65), സിനി (35), മകള് സോന (10) എന്നിവരുടെ മൃതദേഹങ്ങള് ഇന്നലെ ലഭിച്ചിരുന്നു. ഇനി എട്ട് പേരെയാണ് കൂട്ടിക്കലില് ദുരിതപ്പെയ്ത്തില് കണ്ടെത്താനുള്ളത്. രക്ഷാദൗത്യത്തിനായി 40 അംഗ കരസേന സംഘം കൂട്ടിക്കലിലെത്തി. രക്ഷാപ്രവര്ത്തനത്തിനായി കൂട്ടിക്കലിലേക്ക് നാവികസേനയും ഇന്നെത്തും. ദുരന്തമേഖലയില് കുടുങ്ങി കിടക്കുന്നവര്ക്ക് ഭക്ഷണപൊതികള് എത്തിക്കുകയും രക്ഷാപ്രവര്ത്തനത്തില് പങ്കാളിത്തം വഹിക്കുകയും ചെയ്യും. രക്ഷാപ്രവര്ത്തിന് വെല്ലുവിളിയായി മഴ തുടരുകയാണ്. മണിമല, റാന്നി, ആറന്മുള എന്നിവിടങ്ങളില് വെള്ളക്കെട്ട് ഒഴിയുന്നു. കോട്ടയം ജില്ലയില് മഴ കുറഞ്ഞു. മീനച്ചില്, മണിമലയാറുകളില് ജലനിരപ്പ് താഴുന്നിട്ടുണ്ട്.
