കുറ്റിപ്പുറം: ദേശീയപാതയിലെ കുറ്റിപ്പുറം പാലത്തിന്റെ കമാന ബീമുകള് മണ്ണുമാന്തിയന്ത്രം ഇടിച്ചു തകര്ന്നു.വെള്ളിയാഴ്ച രാവിലെ 11.30നാണ് സംഭവം. ആറുവരിപ്പാത നിര്മാണ കമ്പനിയുടെ മണ്ണുമാന്തിയന്ത്രം ലോറിയില് കയറ്റി പോകുന്നതിനിടെ ഉയര്ന്ന ഭാഗം ബീമുകളില് തട്ടുകയായിരുന്നു. ഏതുനിമിഷവും തകര്ന്നുവീഴാവുന്ന അപകടാവസ്ഥയിലാണ് ബീമുകള് ഇപ്പോള് നിലനില്ക്കുന്നത്.
പാലത്തിലൂടെ ദിവസവും ആയിരക്കണക്കിന് വാഹനങ്ങളാണ് സഞ്ചരിക്കുന്നത്. പാലത്തിന്റെ ബീമുകള് തകര്ന്ന സംഭവത്തില് കുറ്റിപ്പുറം പോലീസ് ദേശീയപാത അധികൃതരുമായി ബന്ധപ്പെട്ടു. അടുത്ത ദിവസംതന്നെ അറ്റകുറ്റപ്പണികള് ചെയ്യാന് കോണ്ട്രാക്ടറെ ചുമതലപ്പെടുത്തിയതായി അധികൃതര് അറിയിച്ചു.