കുവൈത്ത് സിറ്റി: ഇരുപത്തിയാറാം വർഷത്തിലേക്ക് പ്രവേശിക്കുന്ന കുവൈറ്റ് മലങ്കര കത്തോലിക്കാ സഭാ കൂട്ടായ്മയായ കെ.എം.ആർ.എം 2020 ലെ പുതിയ ഭരണസമിതിയെ തെരഞ്ഞെടുത്തു. ആൽമീയ ഉപദേഷ്ടാവ് ഫാദർ ജോൺ തുണ്ടിയത്തിന്റെ അധ്യക്ഷതയില് കുവൈറ്റ് സിറ്റി ഹോളി ഫാമിലി കത്തിഡ്രൽ വിർജിൻ മേരി ഹാളിൽ വെച്ച് നടന്ന ജനറൽ ബോഡി യോഗത്തില് പ്രസിഡന്റായി ജോജിമോൻ തോമസിനേയും ജനറൽ സെക്രട്ടറിയായി ജുബിൻ പി മാത്യുവിനേയും ട്രഷറർ ആയി റിജു പി രാജുവിനെയും തെരഞ്ഞെടുത്തു. ഭാരവാഹികള് ഉള്പ്പെടെ 17 പേരാണ് ഭരണം നിയന്ത്രിക്കുന്ന സെൻട്രൽ കമ്മിറ്റിയിലേക്ക് തെരഞ്ഞെടുക്കപ്പെട്ടത്.
അബാസിയ ഏരിയ പ്രസിഡന്റ് ഗീവര്ഗീസ് മാത്യു, അഹ്മദി ഏരിയ പ്രസിഡന്റ് തോമസ് ജോണ്, സാൽമിയ ഏരിയ പ്രസിഡന്റ് ഗീവര്ഗീസ് തോമസ്, കുവൈറ്റ് സിറ്റി ഏരിയ പ്രസിഡന്റ് സാം തോമസ് എന്നിവരെയും തെരഞ്ഞടുത്തു. കൂടാതെ സെൻട്രൽ കമ്മറ്റി ഉൾപ്പെടുന്ന 99 അംഗ സെൻട്രൽ വർക്കിംഗ് കമ്മിറ്റിയെയും തെരഞ്ഞെടുത്തു. ബിനു കെ ജോൺ, ജോർജ് തോമസ് , രാജൻ തോട്ടത്തിൽ എന്നിവർ തെരഞ്ഞെടുപ്പുകൾക്കു നേതൃത്വം നൽകി.
