കല്ലമ്പലം : ദേശീയപാത വികസനവുമായി ബന്ധപ്പെട്ട് കല്ലമ്പലത്ത് കുടിയൊഴിപ്പിക്കപ്പെടുന്ന വ്യാപാരികള്ക്കും തൊഴിലാളികള്ക്കും പുനരധിവാസമോ നഷ്ടപരിഹാരമോ നല്കണമെന്ന് വ്യാപാരി വ്യവസായി ഏകോപന സമിതി കല്ലമ്പലം യൂണിറ്റ് ആവശ്യപ്പെട്ടു. വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് പെരിങ്ങമല രാമചന്ദ്രന് സമ്മേളനം ഉദ്ഘാടനം ചെയ്തു. വര്ക്കിംഗ് പ്രസിഡന്റ് മദീന ഹമീദ് അദ്ധ്യക്ഷത വഹിച്ചു. ചിറയിന്കീഴ് മേഖലാ പ്രസിഡന്റ് ജോഷി ബാസു മുഖ്യ പ്രഭാഷണം നടത്തി.
യൂണിറ്റ് അംഗങ്ങളില് തദ്ദേശ സ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ട രഹ്ന നസീര്, ഉല്ലാസ് കുമാര്, നഹാസ്, സജീര് രാജകുമാരി, പി.മണിലാല് എന്നിവരെയും വിരമിച്ച ചുമട്ടു തൊഴിലാളികളെയും
ചടങ്ങില് ആദരിച്ചു. ജില്ലാ ജനറല് സെക്രട്ടറി വൈ.വിജയന് ഭരണ സമിതി തെരഞ്ഞെടുപ്പിന് നേതൃത്വം നല്കി. ജില്ലാ മേഖലാ ഭാരവാഹികളായ കെ. രാജേന്ദ്രന് നായര്, ടി.നാഗേഷ്, ഡി.എസ്.ദിലീപ്, പൂജാഇക്ബാല്, കമറുദ്ദീന്, സുലൈമാന്, രാജദേവന്, ബൈജുചന്ദ്രന് , ഷാജു, ചന്ദ്രമതി ഷാജഹാന് എന്നിവര് സംസാരിച്ചു. യൂണിറ്റ് ജനറല് സെക്രട്ടറി യു.എന്. ശ്രീകണ്ഠന് സ്വാഗതവും ട്രഷറര് വി.രാജീവ് നന്ദിയും പറഞ്ഞു.
കല്ലമ്പലം യൂണിറ്റിന്റെ പുതിയ ഭാരവാഹികളായി: ബി.മുഹമ്മദ് റാഫി (പ്രസിഡന്റ്), എന്.സുരേഷ് കുമാര് (ജനറല് സെക്രട്ടറി),വി.രാജീവ് (ട്രഷറര്), എസ്.ഷെര്ഷാദ്, ആര്.സതീഷ്, ഇ.ഷാജഹാന്, എ.നഹാസ്, എം.നസീര് (വൈസ് പ്രസിഡന്റുമാര്), എം.എ.ഹമീദ്, യു.എന്.ശ്രീകണ്ഠന് (രക്ഷാധികാരികള്) എന്നിവരെയും കൂടാതെ 39 അംഗ എക്സിക്യൂട്ടീവ് കമ്മിറ്റിയംഗങ്ങളെയും തെരഞ്ഞെടുത്തു.
