എറണാകുളം : സംസ്ഥാനത്തെ മുഴുവന് കടകളും ഇന്ന് തുറക്കുമെന്ന് വ്യാപാരി വ്യവസായി ഏകോപന സമിതി. പണിമുടക്കില് കടകള് മാത്രം അടച്ചിടേണ്ട കാര്യമില്ലെന്ന് വ്യാപാരി വ്യവസായി സമിതി സംസ്ഥാന പ്രസിഡന്റ് പി കുഞ്ഞാവുഹാജി വ്യക്തമാക്കി. സര്ക്കാര് ജീവനക്കാര് ചൊവ്വാഴ്ച ജോലിക്ക് ഹാജരാകണമെന്ന് ചീഫ് സെക്രട്ടറി ഉത്തരവിറക്കിയിട്ടുണ്ട്. ഈ പശ്ചാത്തലത്തില് കടകള് അടച്ചിടണമെന്ന് പറയുന്നതില് ന്യായമില്ലെന്നും അദ്ദേഹം പറഞ്ഞു.
സംസ്ഥാനത്ത് പണിമുടക്കിന് സര്ക്കാര് ഡയസ്നോണ് പ്രഖ്യാപിച്ചതിന് പിന്നാലെയാണ് വ്യപാരി വ്യവസായി ഏകോപന സമിതിയുടെ തീരുമാനം. ഹൈക്കോടതി വിധിയുടെ അടിസ്ഥാനത്തിലാണ് സര്ക്കാര് നടപടി. ഡയസ്നോണ് പ്രഖ്യാപിച്ചതോടെ ചൊവ്വാഴ്ച ജോലിക്ക് ഹാജരായില്ലെങ്കില് ജീവനക്കാര്ക്ക് ആ ദിവസത്തെ ശമ്പളം ലഭിക്കില്ല. അടിയന്തിര സാഹചര്യത്തില് ഒഴികെ സര്ക്കാര് ജീവനക്കാര്ക്കും അധ്യാപകര്ക്കും അവധി അനുവദിക്കരുതെന്ന് ഉത്തരവില് പറയുന്നു.
