റാന്നി : 28,29 തീയതികളില് സംയുക്ത തൊഴിലാളി യൂണിയനുകളുടെ നേതൃത്വത്തില് രാജ്യവ്യാപകമായി നടത്തുന്ന പണിമുടക്കിന്റെ ഭാഗമായുള്ള വാഹന പ്രചരണ ജാഥയ്ക്ക് മണ്ഡലത്തിലുടനീളം സ്വീകരണം നല്കി. സി.ഐ.ടി.യു ജില്ലാ സെക്രട്ടറി പി.ജെ അജയകുമാര് ക്യാപ്ടനായും മധുസൂദനന് നായര് വൈസ് ക്യാപ്ടനായും മലയാലപ്പുഴ മോഹനന് മാനേജരും അഡ്വ. കെ.ജി രതീഷ് കുമാര്, അഡ്വ. സതീഷ് ചാത്തങ്കരി, അഡ്വ. ആനി സ്വീറ്റി, എം.വി സന്ജു, എ.ജി ആനന്ദന്പിള്ള എന്നിവര് അംഗങ്ങളുമായുള്ള ജാഥയ്ക്കാണ് സ്വീകരണം നല്കിയത്.
റാന്നി മണ്ഡലത്തില് എഴുമറ്റൂരില് ആദ്യ സ്വീകരണം നല്കി. പിന്നീട് ചാലാപ്പള്ളി, അങ്ങാടി, റാന്നി പെരുമ്പുഴ,ഇട്ടിയപ്പാറ, വെച്ചൂച്ചിറ എന്നിവിടങ്ങളിലെ സ്വീകരണത്തിന് ശേഷം വൈകിട്ട് അത്തിക്കയത്ത് സമാപിച്ചു.വിവിധ സ്വീകരണ കേന്ദ്രങ്ങളില് എ.ഐ.ടി.യു.സി മണ്ഡലം സെക്രട്ടറി എം.വി പ്രസന്നകുമാര്, വൈസ് പ്രസിഡന്റ് സന്തോഷ് കെ.ചാണ്ടി, ജെയിംസ് ജോണ്, പി.ടി മാത്യു, ഷിബു ലൂക്കോസ്, പി.പി സോമന്, വി.ടി ലാലച്ചന്, നിസാംകുട്ടി, വര്ഗീസ്, എ.ജി ഗോപകുമാര്, കെ.കെ സുരേന്ദ്രന്, മോനായി പുന്നൂസ്, വി.കെ സണ്ണി, ടി.പി അനില്കുമാര്, ആര് വരദരാജന്, സിറിയക് തോമസ്, സജിമോന് കടയനിക്കാട്, എന്.ജി പ്രസന്നന്, എസ്.ആര് സന്തോഷ് കുമാര്,ഗ്രേസി തോമസ്, എം.ജി സതീശ്,അനില് അത്തിക്കയം,പി.വി എബ്രഹാം,വി.ടി വര്ഗീസ്,പി.സി എബ്രഹാം,ജെയിംസ് രാമനാട്ട് എന്നിവര് നേതൃത്വം നല്കി.
