ചാലക്കുടി : റയില്വേ ട്രാക്കിലൂടെ നടന്ന രണ്ട് സ്ത്രീകള് തോട്ടില്വീണു. ട്രെയിൻ വരുന്നത് കണ്ട് മാറി നിന്നുവെങ്കിലും ട്രെയിനിന്റെ കാറ്റടിച്ച് തോട്ടിലേക്ക് വീഴുകയായിരുന്നു. ദേവീകൃഷ്ണ (28), ഫൗസിയ (35) എന്നിവർക്കാണ് പരുക്കേറ്റത്. ദേവീകൃഷ്ണയുടെ പരുക്ക് ഗുരുതരമാണ്. ഇരുവരെയും നാട്ടുകാർ ഉടൻ തന്നെ രക്ഷപെടുത്തി ആശുപത്രിയിൽ എത്തിച്ചു.
വി.ആര് പുരത്ത് റോഡില് വെള്ളമായതിനാലാണ് ഇവർ ട്രാക്കിലൂടെ നടന്നതെന്നാണ് പ്രാഥമിക റിപ്പോർട്ടുകൾ. ഇരുവരും ജോലിക്ക് പോകുന്നതിനിടെയാണ് അപകടമുണ്ടായത്. വെള്ളത്തിലെ ഇരുമ്പ് കുറ്റിയിൽ തട്ടിയാണ് പരുക്കേറ്റതെന്നും നാട്ടുകാർ പറയുന്നു. സ്ത്രീകൾ ചെളിയിൽ താണ് പോയതായും കൗൺസിലർ പറയുന്നു.