നാസിക് : മുന്കാമുകനെ തീകൊളുത്തി കൊലപ്പെടുത്താന് ശ്രമിച്ച യുവതിയും ബന്ധുക്കളും അറസ്റ്റില്. മഹാരാഷ്ട്രയിലെ നാസിക്കിലെ ദേവ്ല താലൂക്കിലാണ് സംഭവം. ഗോരഖ് ബച്ചാവ് (27) എന്ന യുവാവിനെയാണ് കൊലപ്പെടുത്താന് ശ്രമിച്ചത്. ശരീരത്തില് 55 ശതമാനം പൊള്ളലേറ്റ് ഗോരഖ് ആശുപത്രിയില് ചികിത്സയില് കഴിയുകയാണ്. ഗോരഖുമായുള്ള ബന്ധം യുവതിയാണ് അവസാനിപ്പിച്ചത്. തുടര്ന്ന് യുവതിയുടെ വിവാഹം നടത്താന് ബന്ധുക്കള് ശ്രമിച്ചുവെങ്കിലും സാധിച്ചില്ല. ഗോരഖ് കാരണമാണ് യുവതിയുടെ വിവാഹം നടക്കാത്തതെന്നാണ് ബന്ധുക്കള് കരുതി. ഇതിന്റെ പ്രതികരാമെന്നോണം ഗോരഖിനെ യുവതിയുടെ ബന്ധുക്കള് ലോഹോനറിലേക്ക് വിളിച്ചു വരുത്തി. തുടര്ന്ന് ഇരു കൂട്ടരും തമ്മില് വാക്കു തര്ക്കമുണ്ടായി. തൊട്ടുപിന്നാലെ യുവതിയുടെ ബന്ധുക്കള് ഗോരഖിനെ അടിച്ച് നിലത്ത് വീഴിക്കുകയും കൈയില് കരുതിയ പെട്രോള് ഒഴിച്ച് തീകൊളുത്തുകയുമായിരുന്നു. വഴിയാത്രക്കാരാണ് ഇയാളെ ആശുപത്രിയിലെത്തിച്ചത്.
