മണ്ണാര്ക്കാട് : അടുക്കളയില് നിന്ന് പുക വന്നതിനെ ചൊല്ലി തര്ക്കം, വീട്ടമ്മക്ക് വെട്ടേറ്റു. കൈതച്ചിറ വേളക്കാടന് വീട്ടില് കദീജ (65) യ്ക്കാണ് വെട്ടേറ്റത്. രാവിലെ എട്ടുമണിയോടെയായിരുന്നു സംഭവം. കഴുത്തിനും തലയ്ക്കും ഗുരുതരമായി പരിക്കേറ്റ കദീജയെ വട്ടമ്പലത്തെ മദര് കെയര് ആശുപത്രിയില് പ്രവേശിപ്പിച്ചു. അയല്വാസിയായ അബ്ദുല് സലാം സംഭവത്തിനുശേഷം പോലീസ് സ്റ്റേഷനില് നേരിട്ടെത്തി വിവരം അറിയിക്കുകയായിരുന്നു.
മിക്ക സമയങ്ങളിലും ഇരുവീട്ടുകാരും തമ്മില് തര്ക്കം പതിവാണെന്ന് പോലീസ് പറയുന്നു. അബ്ദുല് സലാമിന്റെ വീട്ടിലെ അടുക്കളയില് നിന്ന് കദീജയുടെ വീട്ടിലേക്ക് പുക വന്നതിനെ ചൊല്ലിയുള്ള തര്ക്കമാണ് സംഘര്ഷത്തില് കലാശിച്ചതെന്ന് പോലീസ് പറഞ്ഞു.