കൊല്ലം : ചടയമംഗലത്ത് അഭിഭാഷകയെ ഭര്തൃഗൃഹത്തില് തൂങ്ങിമരിച്ച നിലയില് കണ്ടെത്തി. ചടയമംഗലം ഇട്ടിവ തുടയന്നൂര് മംഗലത്ത് വീട്ടില് അരവിന്ദാക്ഷന് – ഷീല ദമ്പതികളുടെ മകള് ഐശ്വര്യ ഉണ്ണിത്താന് (26) ആണ് മരിച്ചത്. ഭര്തൃഗൃഹത്തിലെ കിടപ്പുമുറിയിലാണു മൃതദേഹം കണ്ടെത്തിയത്. ഭര്തൃഗൃഹത്തിലെ പീഡനത്തില് മനംനൊന്താണ് ഐശ്വര്യ ആത്മഹത്യ ചെയ്തതെന്ന് കുടുംബം ആരോപിച്ചു.
ഐശ്വര്യയുടെ സഹോദരന് അതുല് ഉണ്ണിത്താന്റെ പരാതിയില് പോലീസ് അന്വേഷണം തുടങ്ങി. ചടയമംഗലം മേടയില് ശ്രീമൂലം നിവാസില്കണ്ണന്നായരുമായി മൂന്നുവര്ഷം മുമ്പായിരുന്നു ഐശ്വര്യയുടെ വിവാഹം. ശാരീരികമായി ഉപദ്രവിക്കപ്പെട്ടതിനെ തുടര്ന്ന് ഐശ്വര്യയും ഭര്ത്താവും ഇടയ്ക്ക് അകന്നുതാമസിച്ചിരുന്നു. പിന്നീട് ഇവര്ക്ക് കൗണ്സിലിങ് നല്കിയിരുന്നുവെന്ന് െഎശ്വര്യയുടെ സഹോദരന് പറഞ്ഞു.
