ചെന്നൈ: തമിഴ്നാട്ടില് നാല്പ്പതുകാരി ക്ഷേത്രത്തിനുള്ളില് തീകൊളുത്തി മരിച്ചു. ചെങ്കല്പ്പെട്ടിലാണ് സംഭവം. തേനാംപെട്ട് സ്വദേശിനി തങ്കം (40) ആണ് മധുരാന്തരം ഭദ്രകാളി അമ്മന് ക്ഷേത്രത്തില് ജീവനൊടുക്കിയത്.
ബാധ കയറിയെന്നും ഇത് ഒഴിപ്പിക്കാന് 21 ദിവസം ഭദ്രകാളി ക്ഷേത്രത്തില് കഴിയണമെന്നു മന്ത്രവാദി ഉപദേശിച്ചിരുന്നതായാണ് ബന്ധുക്കള് പറയുന്നത്. ഇതിനായി ബന്ധുക്കള് ഉള്പ്പെടെ ക്ഷേത്രത്തില് തങ്ങിവരികയായിരുന്നു.
കഴിഞ്ഞ ദിവസം ബന്ധുക്കള് ഉറങ്ങിയതിനു ശേഷം രാത്രി രണ്ടു മണിയോടെ ക്ഷേത്രത്തിലെ അടുക്കളയില് സൂക്ഷിച്ചിരുന്ന മണ്ണെണ്ണ ദേഹത്തൊഴിച്ചു തീകൊളുത്തുകയായിരുന്നു. യുവതിക്കു മനോദൗര്ബല്യമുണ്ടായിരുന്നതായി ചെങ്കല്പെട്ട് പോലീസ് പറഞ്ഞു.
