പുതുച്ചേരി : പുതുച്ചേരിയിലെ മണക്കുള വിനയഗർ ക്ഷേത്രത്തിലെ ആന ലക്ഷ്മി ചരിഞ്ഞു. പ്രഭാത സവാരിക്ക് പുറത്തിറക്കിയ ലക്ഷ്മി തളർന്ന് വീഴുകയായിരുന്നു. ബുധനാഴ്ചയാണ് സംഭവം. 1995 ൽ അഞ്ചാം വയസ്സിലാണ് ഈ ആനയെ ക്ഷേത്രത്തിൽ നടക്കിരുത്തിയത്. വളരെ സൗമ്യമായ പെരുമാറ്റമായിരുന്നു ലക്ഷ്മിയുടേത്. അതുകൊണ്ട് തന്നെ ഭക്തർക്ക് ഏറെ പ്രിയമായിരുന്നു. പ്രഭാത സവാരിക്കായി പാപ്പാൻ പുറത്തിറക്കിയതായിരുന്നു. പെട്ടെന്നാണ് റോഡിൽ കുഴഞ്ഞ് വീണ് ബോധം നഷ്ടപ്പെട്ടത്. വെറ്ററിനറി ഡോക്ടർമാർ ഉടൻ തന്നെ സ്ഥലത്തെത്തിയെങ്കിലും രക്ഷിക്കാൻ കഴി‍‍ഞ്ഞില്ല.
