തിരുവല്ല : മഹാത്മാ ഗാന്ധിയുടെ 152 -മത് ജന്മദിന വാര്‍ഷിക ആഘോഷങ്ങളുടെ സമാപനം കുറിച്ചുകൊണ്ടുള്ള ദീപം തെളിയിക്കല്‍ ചടങ്ങ് നടത്തി. എക്‌സൈസ് വകുപ്പ് വിമുക്തി മിഷനും റസിഡന്‍സ് അസോസിയേഷനുകളുടെയും സംയുക്താഭിമുഖ്യത്തില്‍ ആയിരുന്നു പരിപാടി സംഘടിപ്പിച്ചത്. കേരളത്തിലെ എല്ലാ നിയോജ മണ്ഡലങ്ങളിലും 152 ദീപങ്ങള്‍ തെളിയിക്കുന്നതിന്റെ ഭാഗമായി തിരുവല്ല കെ.എസ് ആര്‍ ടി സി കോര്‍ണറിലാണ് ദീപം തെളിയിക്കല്‍ ചടങ്ങ് നടത്തിയത്.
മാത്യു ടി.തോമസ് എം.എല്‍.എ ദീപം തെളിച്ച് ഉല്‍ഘാടനം നടത്തി. തിരുവല്ല നഗരസഭാധ്യക്ഷ ബിന്ദു ജയകുമാര്‍ അധ്യക്ഷത വഹിച്ചു. തിരുവല്ല എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.നൗഷാദ് സ്വാഗതം ആശംസിച്ചു. വാര്‍ഡ് കൗണ്‍സിലര്‍ പ്രദീപ് മാമന്‍ മാത്യൂ , തിരുവല്ല ഡി.ടി.ഒ. മെഹബൂബ്, മല്ലപ്പള്ളി എക്‌സൈസ് റേഞ്ച് ഇന്‍സ്‌പെക്ടര്‍.കെ.ബി ബിനു, തിരുവല്ല എക്‌സൈസ് റേഞ്ച് ഇന്‍സ്‌പെക്ടര്‍ .എസ് മധുസൂദനന്‍ പിള്ള , തിരുവല്ല , മല്ലപ്പള്ളി താലൂക്കുകളിലെ വിവിധ എക്‌സൈസ് ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുത്തു.
