പത്തനംതിട്ട : ഹെലികോപ്റ്റർ അപകടത്തിൽ മൃത്യുവരിച്ച ധീര ജവാന്മാരുടെ വിയോഗത്തിൽ ടീം പത്തനംതിട്ട സോൾജിയേഴ്സ് (തപസ് ) നേതൃത്വത്തിൽ പത്തനംതിട്ട യുദ്ധസ്മാരകത്തിൽ ദീപം തെളിയിച്ച് പുഷ്പചക്രം അർപ്പിച്ചു. പത്തനംതിട്ട ജില്ലാ കളക്ടർ ദിവ്യാ എസ് അയ്യർ സ്മൃതി മണ്ഡപത്തിൽ പുഷ്പചക്രം അർപ്പിച്ചു, നഗരസഭാ പ്രതിപക്ഷ നേതാവ് സന്തോഷ് കുമാർ, എന്സിസി സ്റ്റാഫ്, എഎസ്ഒ അജിത്, ആര്യഭാരതി സ്കൂൾ ചെയർമാൻ ലിജു ജേക്കബ്, സിവിൽ ഡിഫെൻസ് ജില്ലാ വാർഡൻ ബിജു കുമ്പഴയുടെ നേതൃത്വത്തിൽ 25 ഓളം സിവിൽ ഡിഫൻസ് സ്റ്റാഫും , തപസ് കമ്മറ്റി അംഗം അജിത് കലഞ്ഞൂർ, ബിനു കോന്നി, ലിജു വെട്ടൂർ എന്നിവരുടെ നേതൃത്വത്തിൽ തപസ്സിന്റ നാട്ടിലുള്ള 30 ഓളം സൈനികരും ചടങ്ങിൽ പങ്കെടുത്തു.
