തിരുവനന്തപുരം : വര്ക്കല മേല്വെട്ടൂരില് മതില് നിര്മാണത്തിനിടെ മണ്ണിടിഞ്ഞുണ്ടായ അപകടത്തില് രക്ഷപ്പെടുത്തിയവരില് ഒരാള് മരിച്ചു. നിര്മാണത്തൊഴിലാളിയായ സുബി എന്ന് വിളിക്കുന്ന വികാസ്(35) ആണ് മരിച്ചത്. എസ് എന് മിഷന് കോളനിക്കടുത്ത് ഉദയ നഗറില് മതില് നിര്മാണത്തിനിടെ വൈകീട്ട് നാലരയോടെയാണ് ദുരന്തം സംഭവിച്ചത്. പോളച്ചിറ സ്വദേശിയായ ഉണ്ണി ആശുപത്രിയില് ചികില്സയിലാണ്.
ആറുപേര് ഉണ്ടായിരുന്നതില് നാലുപേര് നേരത്തെ പണിനിര്ത്തി പോയിരുന്നു. ബാക്കി രണ്ടു പേർ പണി തീര്ക്കുന്നതിന് വേണ്ടി നില്ക്കുകയായിരുന്നു. ഇവര് രണ്ടു പേരുമാണ് അപകടത്തില്പ്പെട്ടത്. നാട്ടുകാരും ഫയര്ഫോഴ്സും ചേര്ന്ന് രണ്ടു പേരെയും ജീവനോടെ തന്ന പുറത്തെടുത്തിരുന്നു. ഉടന് തന്നെ വര്ക്കലയിലെ ആശുപത്രിയിലെത്തിച്ചെങ്കിലും ഒരാള് മരണപ്പെടുകയായിരുന്നു.
