24.4 C
Pathanāmthitta
Friday, December 3, 2021 7:09 pm
Advertismentspot_img

ഏഴംകുളം കുടുംബാരോഗ്യ കേന്ദ്രത്തില്‍ ഇ – ഹെല്‍ത്ത് പദ്ധതിക്ക് തുടക്കം

പത്തനംതിട്ട : ഏഴംകുളം കുടുംബാരോഗ്യ കേന്ദ്രത്തില്‍ ഇ – ഹെല്‍ത്ത് പദ്ധതിക്ക് തുടക്കമായി. ഏഴംകുളം കുടുംബാരോഗ്യകേന്ദ്രം ഉള്‍പ്പെടെ പത്തനംതിട്ട ജില്ലയിലെ നാല് ആശുപത്രികളില്‍കൂടി ഇ – ഹെല്‍ത്ത് പദ്ധതി ആരംഭിക്കുന്നതിന്റെയും എല്ലാ ജില്ലകളിലും വെര്‍ച്വല്‍ ഐ.ടി കേഡര്‍ രൂപീകരിക്കുന്നതിന്റെയും കെ – ഡിസ്‌കിന്റെ മൂന്നു പദ്ധതികളുടെയും ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചു. ആരോഗ്യ വകുപ്പ് മന്ത്രി വീണാ ജോര്‍ജ് ഓണ്‍ലൈനായി അധ്യക്ഷത വഹിച്ചു.

ഏഴംകുളം കുടുംബാരോഗ്യ കേന്ദ്രത്തില്‍ നടന്ന ആശുപത്രിയിലെ ഇ – ഹെല്‍ത്ത് പദ്ധതിയുടെ പഞ്ചായത്ത്തല ഉദ്ഘാടനവും, പദ്ധതി പ്രകാരമുള്ള കാര്‍ഡ് വിതരണവും പറക്കോട് ബ്ലോക്ക് പഞ്ചായത്ത് പ്രസിഡന്റ് ആര്‍.തുളസീധരന്‍ പിള്ള നിര്‍വഹിച്ചു. 2020 ഒക്ടോബറിലാണ് ഏഴംകുളം കുടുംബാരോഗ്യ കേന്ദ്രമായി ഉയര്‍ത്തിയത്. ഈ കുടുംബാരോഗ്യ കേന്ദ്രത്തിലൂടെ ഏഴംകുളം ഗ്രാമപഞ്ചായത്തിന്റെ ‘കാരുണ്യഗ്രാമം’ പദ്ധതി പ്രകാരം ഓരോ വര്‍ഷവും 15 ലക്ഷം രൂപ വിനിയോഗിച്ച് ക്യാന്‍സര്‍ ഉള്‍പ്പെടെ മാരക രോഗം ബാധിച്ചവര്‍ക്ക് സൗജന്യമായി മരുന്നുകള്‍ വിതരണം നടത്തിവരുന്നു. ഏഴംകുളം കുടുംബാരോഗ്യ കേന്ദ്രത്തില്‍ ഡെപ്യൂട്ടി സ്പീക്കര്‍ ചിറ്റയം ഗോപകുമാറിന്റെ എംഎല്‍എ ഫണ്ടില്‍ അനുവദിച്ച 25 ലക്ഷം രൂപ വിനിയോഗിച്ചുള്ള ആശുപത്രി കെട്ടിടം പൂര്‍ത്തിയായിവരുന്നു. മൂന്ന് ഡോക്ടര്‍മാര്‍ ഉള്‍പ്പെടെ 30 സ്ഥിര – താല്‍ക്കാലിക ജീവനക്കാര്‍ സേവനം അനിഷ്ടിക്കുന്നു. ആശുപത്രിയില്‍ ആധുനിക സൗകര്യങ്ങളൊടുകൂടിയ ആബുലന്‍സ് സര്‍വീസും ഒരുക്കിയിട്ടുണ്ട്.

ആശുപത്രി അങ്കണത്തില്‍ നടന്ന പഞ്ചായത്ത്തല ഉദ്ഘാടന ചടങ്ങില്‍ ഏഴംകുളം ഗ്രാമപഞ്ചായത്ത് പ്രസിഡന്റ് വി.എസ് ആശ അധ്യക്ഷത വഹിച്ചു. ജില്ലാ പഞ്ചായത്ത് അംഗം സി.കൃഷ്ണകുമാര്‍, ഏഴംകുളം ഗ്രാമപഞ്ചായത്ത് വൈസ് പ്രസിഡന്റ് ആര്‍.ജയന്‍, ഗ്രാമപഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ രാധാമണി ഹരികുമാര്‍, ഗ്രാമപഞ്ചായത്ത് ക്ഷേമകാര്യ സ്റ്റാന്റിംഗ് കമ്മറ്റി ചെയര്‍പേഴ്സണ്‍ അഡ്വ.എ.താജുദ്ദീന്‍, ഗ്രാമപഞ്ചായത്ത് അംഗങ്ങളായ എം.മേഴ്‌സി, രജിത ജയ്‌സണ്‍, ശാന്തി കെ കുട്ടന്‍, സുരേഷ് ബാബു, ഷീബ അനി, ആര്‍.ശോഭ, ലിജി ഷാജി, വി.ആര്‍ ബേബി ലീന, ടി.വിനോദ്കുമാര്‍, കുടുംബാരോഗ്യകേന്ദ്രം മെഡിക്കല്‍ ഓഫീസ് ഇന്‍ ചാര്‍ജ് ഡോ.ശ്രീജിത്ത് ബാബു, ഇ – ഹെല്‍ത്ത് ജില്ലാ അഡ്മിന്‍മാരായ എ.എസ് അസിം, വി.ജി ജയേഷ്, എന്‍എച്ച്എം പി.ആര്‍.ഒ പ്രിന്‍സ് ഫിലിപ്പ് എന്നിവര്‍ പ്രസംഗിച്ചു.

- Advertisment -
Advertisment
Advertisment
- Advertisment -
- Advertisment -

Most Popular