കോന്നി: കോന്നി ഗ്രാമ പഞ്ചായത്ത് വികസന സദസ് ബഹിഷ്കരിച്ച യുഡിഎഫ് പഞ്ചായത്ത് ഭരണസമിതിയുടെ നടപടിയിൽ പ്രതിഷേധിച്ച് എൽഡിഎഫ് കോന്നി പഞ്ചായത്ത് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് പ്രതിഷേധ മാർച്ചും ഉപരോധ സമരവും നടത്തി. ചൈനാ ജംങ്ഷനിൽ നിന്നും ആരംഭിച്ച പ്രതിഷേധ മാർച്ച് ടൗൺ ചുറ്റി പഞ്ചായത്ത് ഓഫീസിനു മുന്നിൽ സമാപിച്ചു. തുടർന്നു നടന്ന ഉപരോധ സമരം സിപിഐ എം കോന്നി ഏരിയാ സെക്രട്ടറി ശ്യാംലാൽ ഉദ്ഘാടനം ചെയ്തു.
എ.ദീപകുമാർ അധ്യക്ഷത വഹിച്ചു. ജില്ലാ പഞ്ചായത്തംഗം ജിജോ മോഡി, ബ്ലോക്ക് പഞ്ചായത്തംഗം തുളസീ മണിയമ്മ, എൽഡിഎഫ് നേതാക്കളായ എം.എസ്. ഗോപിനാഥൻ, ടി. രാജേഷ് കുമാർ, ഡോ. എം. രാജൻ, വിനീത് കോന്നി, അയൂബ്ഖാൻ, സുനിൽ ഖാൻ, ഹരികുമാർ, തുഷാര ശ്രീകുമാർ,അനിൽ ചെങ്ങറ, ആർ ഗോവിന്ദ്, ഗ്രാമപഞ്ചായത്തംഗങ്ങളായ കെ.ജി. ഉദയകുമാർ, ജോയിസ് ഏബ്രഹാം, ജിഷ ജയകുമാർ, തുളസീ മോഹൻ, പുഷ്പ ഉത്തമൻ എന്നിവർ സംസാരിച്ചു.
