മുംബൈ : ബോളിവുഡിലെ കൂടുതൽ താരമൂല്യമുള്ള നായികയാണ് ദീപിക പദുക്കോൺ. മുൻനിര നായികമാരുടെ നിരയിലേക്ക് എത്താൻ അധിക കാലം ഒന്നും താരത്തിന് വേണ്ടി വന്നിട്ടില്ല. ഇപ്പോഴിതാ ദീപികയുടെ ഇതുവരെ കാണാത്ത ചില കുട്ടിക്കാല ചിത്രങ്ങളാണ് സമൂഹമാധ്യമങ്ങളിൽ ശ്രദ്ധ നേടുന്നത്. ദീപിക തന്നെയാണ് ഇൻസ്റ്റഗ്രാം റീൽസിലൂടെ ആരാധകരുമായി ചിത്രങ്ങൾ പങ്കുവച്ചത്.
ഒരു അഭിമുഖത്തിൽ താരം പറഞ്ഞ ഈ വാക്കുകൾ “താൻ എന്നും ക്ലാസ് റൂമിനു പുറത്ത് കാര്യങ്ങൾ ചെയ്യാൻ ആഗ്രഹിക്കുന്ന കുട്ടി ആയിരുന്നു” എന്ന വാക്കുകൾ കൂട്ടിച്ചേർത്താണ് ക്യൂട്ട് ചിത്രങ്ങൾ പങ്ക് വെച്ചത്. “തീർച്ചയായും മികച്ച വിദ്യാർത്ഥി” എന്ന അടിക്കുറിപ്പും ദീപിക ചിത്രത്തിന് താഴെ നൽകിയിട്ടുണ്ട്. ബാഡ്മിന്റൺ താരമായിരുന്ന പ്രകാശ് പദുക്കോണിന്റെ മകളാണ് ദീപിക. 2006ൽ ‘ഐശ്വര്യ’ എന്ന കന്നഡ ചിത്രത്തിലൂടെ സിനിമയിൽ എത്തിയ ദീപിക 2007 ൽ പുറത്തിറങ്ങിയ ‘ഓം ശാന്തി ഓം’ ൽ ഷാരൂഖ് ഖാന്റെ നായികയായാണ് ബോളിവുഡിൽ അരങ്ങേറ്റം കുറിച്ചത്.