പത്തനംതിട്ട : ശബരിമല സ്വര്ണ്ണ കൊള്ളയില് ഇടത് – വലത് മുന്നണികള്ക്ക് ഒരുപോലെ പങ്കുണ്ടെന്ന് ബി.ജെ.പി സംസ്ഥാന ജനറല് സെക്രട്ടറി അനൂപ് ആന്റണി പറഞ്ഞു. ശബരിമല സ്വര്ണ്ണ കൊള്ള കേസില് ആന്റോ ആന്റണി എം.പി യുടെ രാജി ആവശ്യപ്പെട്ട് ബി.ജെ.പി പത്തനംതിട്ട ജില്ലാ കമ്മറ്റിയുടെ നേത്രുത്വത്തില് എം.പി ഓഫീസിലേക്ക് നടത്തിയ മാര്ച്ചും ധര്ണ്ണയും ഉത്ഘാടനം ചെയ്തുകൊണ്ട് സംസാരിക്കുകയായിരുന്നു അദേഹം. ഉണ്ണികൃഷ്ണന് പോറ്റി നിരവധി തവണയാണ് സോണിയ ഗാന്ധിയുടെ വീട് സന്ദര്ശിച്ചത്. സോണിയാ ഗാന്ധിയുടെ സഹോദരിക്ക് ഇറ്റലിയില് പുരാവസ്തുക്കള് വില്ക്കുന്ന സ്ഥാപനമുള്ളതും പോറ്റിയുടെ സന്ദര്ശനവും തമ്മില് ബന്ധമുണ്ട്.
കേസ് രജിസ്റ്റര് ചെയ്ത് തൊണ്ണൂറുദിവസം കഴിഞ്ഞിട്ടും കുറ്റപത്രം സമര്പ്പിക്കാതെ പ്രതികള്ക്ക് ജയിലില് നിന്നും പുറത്തിറങ്ങാന് അവസരമൊരുക്കുകയാണ് സംസ്ഥാന സര്ക്കാര്. ഇടതു സര്ക്കാര് ഒരുക്കുന്ന സംരക്ഷണത്തില് സ്വര്ണ്ണ കൊള്ള കേസില് ഉള്പ്പെട്ട ഇടത് വലത് മുന്നണികള് എക്കാലവും രക്ഷപെടാം എന്ന് കരുതരുത് എന്നും കേസില് സി.ബി.ഐ അന്വേഷണം ആവശ്യപ്പെട്ട് ശക്തമായ സമര പരിപാടികളുമായി ബി.ജെ.പി മുന്നോട്ട് പോകുമെന്നും അനൂപ് ആന്റണി പറഞ്ഞു. ബി.ജെ.പി ജില്ലാ പ്രസിഡണ്ട് വി. എ സൂരജ് അധ്യക്ഷത വഹിച്ചു. ജില്ല പ്രഭാരി ബി.രാധാകൃഷണ മേനോന്, ബി.ജെ.പി സംസ്ഥാന സെക്രട്ടറി പന്തളം പ്രതാപന്, കര്ഷക മോര്ച്ച സംസ്ഥാന പ്രസിഡണ്ട് ഷാജി രാഘവന് തുടങ്ങിയവര് സംസാരിച്ചു.
