റാന്നി : കേരളപ്പിറവി ദിനത്തിൽ റാന്നി താലൂക്ക് ലീഗൽ സർവ്വീസസ് അതോറിറ്റിയുടെ ആഭിമുഖ്യത്തിൽ നിയമബോധവൽക്കരണ ക്ലാസും ലീഗൽ എയ്ഡ് ക്ലിനിക്കും നടത്തി. സ്വാതന്ത്യത്തിൻ്റെ 75-ാം വാർഷികത്തിൻ്റെ ഭാഗമായുള്ള ആസാദി കാ അമൃത മഹോത്സവ് ലീഗൽ സർവ്വീസസ് അതോറിറ്റി എന്നിവയുടെ ഭാഗമായിട്ടാണ് ക്ലാസ് നടത്തിയത്.
റാന്നി ബ്ലോക്ക് പഞ്ചായത്ത് പ്രസിഡൻ്റ് കെ.എസ്.ഗോപി ഉദ്ഘാടനം ചെയ്തു. ലീഗൽ സർവ്വീസസ് അതോറിറ്റി താലൂക്ക് സെക്രട്ടറി എസ് സന്ദീപ് അദ്ധ്യക്ഷത വഹിച്ചു. ഗാർഹിക പീഢന നിയമത്തെക്കുറിച്ച് അഡ്വ.തോമസ് ടി.മാത്യു ക്ലാസ് നയിച്ചു. ഗ്രാമ പഞ്ചായത്ത് അംഗങ്ങളായ കെ.ആർ.പ്രകാശ്’ ഏബ്രഹാം തോമസ്, ഗോപകുമാർ കാട്ടൂർ, സീമാ സി.നായർ, റോസമ്മ വറുഗീസ്, ലീഗൽ വാളണ്ടിയർ വി.കെ.രാജഗോപാൽ എന്നിവർ പ്രസംഗിച്ചു.