കോന്നി : തണ്ണിത്തോട് മുണ്ടോംമൂഴിയിൽ പുലിയെ കണ്ടതായി യാത്രക്കാർ. തണ്ണിത്തോട് സ്വദേശികളും സുഹൃത്തുക്കളുമായ ജയകൃഷ്ണൻ, അഖിൽ എന്നിവര് ബൈക്കിൽ രാത്രി ഒൻപതരയ്ക്ക് ശേഷം തണ്ണിത്തോട് ഭാഗത്തേക്ക് പോകുമ്പോഴാണ് പുലിയെ കണ്ടത്.
മുണ്ടോംമൂഴിയിൽ വന്യമൃഗങ്ങൾ റോഡ് മുറിച്ച് കടക്കുന്നത് സംബന്ധിച്ച് വനംവകുപ്പ് സ്ഥാപിച്ച മുന്നറിയിപ്പ് ബോർഡിന് സമീപത്ത് നിന്ന് വനത്തിനുള്ളിൽ നിന്നും ഇറങ്ങി വന്ന പുലി തണ്ണിത്തോട് റോഡിലൂടെ ഇവർ സഞ്ചരിക്കുന്ന ബൈക്കിന് മുന്നിലൂടെ നടന്ന് നീങ്ങുന്നതാണ് കണ്ടത്. തുടർന്ന് ഇവർ വനപാലകരെയും പോലീസിനേയും വിവരം ധരിപ്പിച്ചതിനെ തുടർന്ന് തണ്ണിത്തോട് പോലീസ്, തണ്ണിത്തോട് , ഞള്ളൂർ ഫോറസ്റ്റ് സ്റ്റേഷനുകളിൽ നിന്നും വനപാലകരും സ്ഥലത്തെത്തി അന്വേഷണം നടത്തി.
