കല്പ്പറ്റ : വയനാട്ടില് വീണ്ടും പുലിയിറങ്ങി. ഇത്തവണ മരത്തിന് മുകളിലാണ് പുലിയെ കണ്ടത്. വയനാട് മേപ്പാടി കടൂരില് ക്വാറി വളവില് ഞായറാഴ്ച രാത്രിയോടെ വഴിയാത്രക്കാരാണ് മരത്തിന് മുകളില് പുലിയെ കണ്ടത്. ഉടന്തന്നെ ഇവര് പോലീസിനെ വിവരം അറിയിക്കുകയായിരുന്നു. പ്രദേശത്ത് അറവ് മാലിന്യങ്ങള് തള്ളുന്നത് പതിവാണെന്ന് നാട്ടുകാര് പറയുന്നു. അതുകൊണ്ടുതന്നെ ഇവിടങ്ങളില് രാത്രികാലങ്ങളില് പുലി അടക്കമുള്ള വന്യമൃഗങ്ങള് പതിവായി എത്താറുണ്ടെന്നും നാട്ടുകാര് പറയുന്നു. മേപ്പാടിയില് തന്നെ ഇക്കഴിഞ്ഞ ഫെബ്രുവരിയില് മറ്റൊരു പുലി കെണിയില് കുടുങ്ങിയിരുന്നു. മേപ്പാടി കള്ളാടി വെള്ളപ്പന്കുണ്ടിലെ സ്വകാര്യവ്യക്തിയുടെ തോട്ടത്തിലായിരുന്നു അന്ന് പുലി കുടുങ്ങിയത്.
