ബാരാമുള്ള: ജമ്മു കശ്മീരിലെ ബാരാമുള്ളയില് സുരക്ഷാസേനയും ലഷ്കര് ഇ ത്വയ്യിബ പ്രവര്ത്തകരും തമ്മില് നടന്ന ഏറ്റുമുട്ടലില് ഒരു ലഷ്കര് പ്രവർത്തകന് കൊല്ലപ്പെട്ടു. കൊല്ലപ്പെട്ട ആള് കുപ്വാര ജില്ലയില് നാദ്നുസ സ്വദേശിയായ ഇദ്രിസ് ഭട്ട് ആണെന്ന് തിരിച്ചറിഞ്ഞിട്ടുണ്ട്. വാഗ ബോര്ഡര് വഴി 2018 ഇയാള് പാകിസ്താനിലേയ്ക്ക് പോയതായി റിപ്പോര്ട്ട് ഉണ്ടായിരുന്നു.
ഇദ്രിസിനൊപ്പം മറ്റൊരാള് കൂടി ഏറ്റുമുട്ടലില് പങ്കെടുത്തിരുന്നു. അയാളെ കണ്ടെത്താന് കഴിഞ്ഞിട്ടില്ല. മറ്റൊരു ഏറ്റുമുട്ടലില് നൗഗം സെക്ടറില് രണ്ട് സായുധരെ സൈന്യം വധിച്ചിരുന്നുവെന്ന് റിപ്പോര്ട്ട് ഉണ്ടായിരുന്നു. കൊല്ലപ്പെട്ടയാളില് നിന്ന് രണ്ട് എകെ 47 തോക്കുകളും കണ്ടെടുത്തിട്ടുണ്ട്.
